Ули Штилике: "Футболчилар Ўзбекистон билан ўйин масъулиятини тушуниб туришибди"
14 nov 2016 13:35
News

Ули Штилике: "Футболчилар Ўзбекистон билан ўйин масъулиятини тушуниб туришибди"

Жанубий Корея - Ўзбекистон учрашувидан олдин иккала жамоа устозлари иштирокида матбуот анжумани бўлиб ўтди. Мезбонлар устози Ули Штилике қуйидаги фикрларни билдирди.

"Эртанги ўйинга кўп нарса боғлиқ. Сўнгги босқичда ҳар бир ўйин қийин кечмоқда. Бир маромда ҳаракат қилишда давом этишимиз керак. Ўзимизга ишончни ошириб боришимиз керак.

Ўзбекистон охирги 5та ўйинда фақат Эрон билан ўйинда битта гол ўтказди. Иордания билан ўйинда кичик ҳисобда ғалаба қозонишди. Уларнинг ҳимоя чизиғи мустаҳкам. Менимча Канадага қарши ўйиндаги каби ўйнай олсак ҳаммаси жойида бўлади. Канада билан учрашувда ҳужумда ҳам, ҳимояда ҳам яхши ҳаракат қилдик.

Бизнинг футболчилар бўлажак ўйинга мутлақо тайёрлар, ҳам руҳан, ҳам жисмонан. Барча Ўзбекистон билан ўйин масъулияти ҳақида жуда тушуниб турибди", - дейди Штилике yonhapnews.co.kr нашрига.