Темурхўжа Абдухолиқов “Энг яхши савол эгаси”га ўз футболкасини топширди

Ва лойиҳанинг илк меҳмони ўлароқ “Локо” тўпурари Темурхўжа Абдухолиқов таклиф этилганди.

Футболчига юборилган саволлар орасидан жамоамизнинг Фейсбук ижтимоий тармоғидаги ўқувчиси Чарос Турсунова томонидан йўлланган савол Темурхўжага кўпроқ манзур бўлди. Натижада ҳужумчи энг яхши деб топилган савол эгасига ўзининг 11-рақамли футболкасини беришни маъқул топди.

Кеча бўлиб ўтган “Локомотив” – “Навбаҳор” учрашувидан олдин мухлисамиз Чарос Турсунова ТТЙМИ стадионига ташриф буюриб, футболчидан ўз совғасини қабул қилиб олди ва футболка учун миннатдорчилик билдирди.

“Ўғлим ҳам “Локомотив” футбол мактабига қатнайди, – дейди Чарос Турсунова. – Фейсбукда лойиҳа шартлари эълон қилингач, мен ҳам ўз саволим билан иштирок этдим. Тўғриси, мен юборган савол Темурхўжа Абдухолиқовга кўпроқ маъқул келишини кутмагандим. Суҳбат эълон қилингач, кўпчилик танишларим мендан “Ростдан сен ютдингми? Футболкани олдингми?” деб сўрай бошлади, аммо ишлар бўлиб ўз вақтида стадионга кела олмадим. Совға учун катта раҳмат”.