Latest news

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  7 00:42CAFA Nations Cup-2025. Энг яхшилар аниқланди ва ғолибга соврин топширилди  27 00:30Муҳаммадрасул Абдумажидов Бельгия клубига ўтмайди  4 00:14Славен Билич Ўзбекистон терма жамоаси бош мураббийига айланиши мумкин  38 00:05Тимур Кападзе: "Эрон терма жамоаси қачон рози бўлган ўзи?"  107 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1029 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  11 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  21 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

Тайёрлов гуруҳлари Республика Биринчилиги. “Насаф” ғолиб бўлди! News

Тайёрлов гуруҳлари Республика Биринчилиги. “Насаф” ғолиб бўлди!

Қарши шаҳрида 1999-2000 йилларда таваллуд топган Олий ва биринчи лига тайёрлов гуруҳлари ўртасидаги Республика Биринчилигининг финал босқичи ниҳоясига етди.

Бугун 3-ўрин ва 1-ўрин учун  учрашувлар бўлиб ўтди.

Дастлаб 3-ўрин учун “Пахтакор” ва “Локомотив” жамоалари ўртасида учрашув бўлиб ўтди. Учрашув 2:2 ҳисобида ниҳоясига етди. Ғолиб жамоа пенальтилар серияси орқали аниқланди. Унда Тимур Алимхўжаев мураббийлигидаги “Пахтакор” жамоаси 5:4 ҳисобида ғалаба қозонди ва 3-ўринни эгаллади.

Шундан сўнг, финал учрашуви бошланди. Унда Қаршининг “Насаф” ва Фарғонанинг “Нефтчи” жамоалари ўзаро беллашдилар.

Учрашув қизиқарли ва курашларга бой бўлди. Биринчи бўлимнинг ёдда қоладиган воқеаси 17-дақиқада содир бўлди. Ўзаро тортишганлари учун “Насаф”дан Жасур Жумаев ва “Нефтчи”дан Афзал Абдуғаниевлар майдондан четлатилди.

Учрашувнинг биринчи бўлимида ҳисоб очилмади.

Иккинчи бўлим биринчи бўлимга нисбатан янада шиддатли кечди. Иккинчи бўлимнинг 50-дақиқасида “Нефтчи” жамоаси ҳимоячилари ҳужумчимиз Орифжон Муродовни жарима майдончасида йиқитишди. Учрашув ҳаками Игорь Гормашов 11 метрлик жарима нуқтасига ишора қилди. Пенальтини Дилшод Саитов бехато амалга оширди ва жамоамизни ҳисобда олдинга олиб чиқди – 1:0.

Бу ҳисобдан кейин ўйин янада қизиди. Ҳар иккала жамоада гол уриш учун яхши имкониятлар бўлди. Дарвозабонимиз Умиджон Эргашев бугунги учрашувда ҳам ўз маҳоратини кўрсатиб, кўплаб вазиятларда дарвозамиз даҳлсизлигини сақлаб қолди.

Учрашувнинг 80-дақиқасида жамоамиз рақиб жарима майдончаси яқинида стандарт вазиятга эга бўлди. Жарима тўпини чиройли тарзда амалга оширган Элбек Отақулов ҳисобни 2:0 кўринишга ўзгартириб қўйди.

Учрашувнинг қолган дақиқаларида дарвозаларга гол киритилмади ва финалда ёш футболчиларимиз ғалаба қозонишди.

Шундай қилиб, Ўзбекистонда хизмат кўрсатган ёшлар мураббийи Нурали Султонов қўл остидаги жамоамиз, Республика Биринчилигининг ғолиби бўлишди.

Эслатиб ўтамиз, бу йилги тайёрлов гуруҳлари ўртасидаги Республика Биринчилигида 2003 йилда туғилган ёш футболчиларимиз ҳам ғолибликни қўлга киритишган эди.

Бу, “Насаф” футбол мактабида ишлар кўнгилдагидек йўлга қўйилганлигидан ва мактабимизда фаолият юритаётган мураббийлар ўз ишига садоқат билан ёндошаётганлигидан далолат беради.

Финал учрашувлари якунлангач, ғолибларга медаллар, дипломлар ва мусобақа кубоклари тантанали равишда топширилди.

 
Тайёрлов гуруҳлари-1999-2000. ФИНАЛ

“Насаф” (Қарши) – “Нефтчи” (Фарғона) 2:0 (0:0)

12.11.2017. “Насаф” ФМ сунъий майдони, 12:00да

Ҳакамлар: 
Игорь Гормашов (Тошкент), Сардор Ҳакимов (Самарқанд), Амал Султонов (Навоий), Фирдавс Норсафаров (Қарши)

Назоратчи: Олег Викторович Дачев (Тошкент)

Голлар: Дилшод Саитов (пен.50), Элбек Отақулов (80).

“Насаф”: 1.Умиджон Эргашев (с) (30.Элшод Қодиров 90), 6.Шоҳмалик Комилов (14.Жамшид Абдуллаев 83), 7.Дилшод Саитов (5.Наврўз Сафаров 89), 10.Худоёрхон Сагдуллаев (15.Алпомиш Миров 62), 22.Элбек Отақулов (8.Тимур Набиев 87), 27.Мирзабек Жониқулов, 31.Акмал Мозговой, 33.Фарруҳ Абсаломов, 38.Орифжон Муродов (18.Абдулла Мияссаров 80),  42.Жасур Жумаев, 45.Муҳриддин Зоиров (16.Саддам Тўхтаев 74).

Жамоа мураббийи: Нурали Султонов

“Нефтчи”: 30.Машҳур Мухаммаджонов, 3.Раҳимбек Маматкаримов, 5.Ботир Мамасодиқов (с), 6.Шахбоз Ғаниев (43.Шоҳжаҳон Рўзиматов 65), 19.Нодир Тўланов, 22.Асилбек Ғойибжонов (20.Мухаммадқодир Умаржонов 54), 25.Аброр Иномов (30.Улуғбек Акромов 55), 26.Шахзод Усмонов, 47.Хамидулло Абдухамидов, 52.Асадбек Маъмуров, 99.Афзал Абдуғаниев.

Захира: 45.Илҳом Ваҳобов, 71.Бобур Муқимов, 75.Бобур Набиев, 80.Азизбек Рахмонов.

Жамоа мураббийи: Руслан Умиров

Огоҳлантириш: Аброр Иномов (25).

Четлатиш: Жасур Жумаев (17) – Афзал Абдуғаниев (17).


Rating: +3   

Comments

championat.asia
< show latest news
Яндекс.Метрика