Тасодифми? "Реал" уйида ютқазди ёхуд каталониялик ҳакамнинг тушунарсиз қарорлари

Кутилмаганда, "қаймоқранглилар" мусобақа жадвалининг ўрталарида ўралашиб юрган жамоага ютқазиб қўйишди. Қизиқ жиҳати, 9-дақиқадаёқ Милитаога тўғридан-тўғри қизил карточка кўрсатган, кейинроқ иккинчи бўлимда, аниқроғи 64-дақиқада "Реал" дарвозасига пенальти белгилаган ҳакам Давид Медье Хименес каталониялик. 

Шу ўринда "Қироллик клуби"нинг азалий ва асосий рақиби "Барселона" (Каталония) эканлигини яна бир бор эслатиш шарт бўлмаса керак. Балки буларнинг барчаси шунчаки тасодифдир, аммо қизил карточка кўрсатилган вазиятда Милитао ва жабрланувчи Серхио Леоннинг шундоқ ёнгинасида Варан ҳам югуриб келаётганди (Одриосола бир неча метр орқароқда). Дарвозабондан ташқари яна камида бир нафар шериги бир ҳамлалик масофада бўлса, фол сўнгги умид чораси сифатида қаралиши қанчалик тўғри? 

Шу ўринда, 13-дақиқа Марко Асенсио гол урган вазият, ҳужумнинг бошланишини ҳам ёдга олиб ўтиш зарур. "Леванте" ҳужумини қайтариш чоғида жарима майдони ичида меҳмонлар футболчиси Ферлан Менди билан курашдан кейин йиқилиб тушди ва пенальти сўради. Мадридликлар ҳужумни ҳужумни давом эттиришди ва кейинчалик у гол билан якунланди. 

Давид Хименес "VAR"га қулоқ тутгач, голни инобатга олди. 

Кейинги қизиқарли эпизод иккинчи бўлим бошроғида содир этилди. Ҳакам бу сафар "Реал" дарвозасига пенальти белгилади. Ҳакамнинг қарорини ортиқча муҳокама қилмай, гапни кўпайтирмай, эпизодни эътиборингизга ҳавола қиламиз.

Нима бўлган тақдирда ҳам, бир нарса аниқ - бу кеча бош ҳакам бироз ғалатироқ қарорлар қабул қилди. Ҳакамнинг ишини бевосита баҳолашга ҳаққимиз бўлмасада, унга муносабат билдиришга, фикримизни баён этишга ҳақлимиз, назаримда.

Real Madrid Marco Asensio - 13'

LaLiga . Round 21 30/01/2021, 19:15 2 : 1 Finished

Levante Jose Luis Morales - 32', Roger - 78'

Stadium: Alfredo Di Stefano, 0 spectators

Referee: David Medie

45'

90'

8'  Eder Militao

9'  Eder Militao

13'  Marco Asensio

13'  Toni Kroos

60'  Eden Hazard (Vinicius Junior)

82'  Marco Asensio (Sergio Arribas)

82'  Karim Benzema (Mariano Diaz)

90'  Casemiro

32'  Jose Luis Morales

32'  Jorge Miramon

50'  Mickael Malsa

60'  Mickael Malsa (Ruben Rochina)

60'  Sergio Leon (Enis Bardhi)

64'  Roger

72'  Gonzalo Melero

76'  Jose Luis Morales (Daniel Gomez)

78'  Roger

78'  Enis Bardhi

83'  Roger (Ruben Vezo)

Open in Match Center

"Реал Мадрид" – "Леванте" 1:2
30 январь, "Эстадио Альфредо Ди Стефано"
Голлар: 1:0 – 13 Асенсио, 1:1 – 32 Моралес, 1:2 – 78 Роджер Марти.

"Реал Мадрид" – Куртуа, Менди, Одриосола, Варан, Милитао, Кроос, Каземиро, Азар (Винисиус Жуниор, 60), Модрич, Асенсио (Аррибас, 82), Бензема (Мариано Диас, 82).

"Леванте" – Фернандес, Мирамон, Постиго, Дуарте, Клерк, Радоя, Мальса (Рочина, 60), Мелеро, Леон (Барди, 60), Роджер Марти (Везу, 83), Моралес (Дани Гомес, 76).

Огоҳлантиришлар: Мальса (50), Мелеро (72), Каземиро (90).

Четлатиш: Милитао (9).