Талал Солиҳ Ал Шаҳри: “Ливанга қарши бошқача ўйин намойиш этамиз”

Биз Саудия Арабистони дарвозабони Талал Солиҳ Алшаҳри билан учрашиб ундан Ливанга қарши ўйин олдидан интервью олдик.

- Ўзбекистон терма жамоасига қарши ўйинда хатоларга йўл қўйдинглар. Ушбу хатолардан хулоса чиқардингларми?
- Ўзбекистон терма жамоасига қарши биринчи ўйинни ўтказдик. Ушбу терма жамоага ва майдонга кўникиш бироз қийин бўлди. Ушбу ўйиндан етарлича ҳулоса чиқардик, Ливанга қарши ўйин бошқача бўлади. Чунки биз уларни яхши биламиз улар эса бизни. Ўйлайманки Ливанга қарши ўйин Ўзбекистон терма жамоасига қарши кўрсатган ўйинимиздан анча фарқ қилади.

- Ўзбекистон терма жамоаси ҳақида қандай фикрдасиз?
- Ўзбекистон футзал терма жамоаси жуда кучли. Ушбу терма жамоа анчадан бери йирик мусобақаларда иштироr этиб келмоқда. Ҳалқаро майдондаги тажрибалари етарли. Ўйин амалиёти жуда катта. Ўзбекистон терма жамоаси ўз уйида ўйнаяпти. Улар ўз уйларида мухлислари кўз ўйгида ҳаракат қилишмоқда.

- Бугун Ливанга қарши ўйин ҳақида қандай фикр билдирасиз?
- Саудия Арабистони ҳам Ливан ҳам бир жойдан келган. Бугунги ўйин жуда қизиқарли бўлади деб ўйлайман. Рақибимиз футзалчилари жуда кучли. Бизда эса тактика ва тезлик бўйича маҳоратли футзалчиларимиз бор. Бу ўйинда ғалаба қозонишимизга ишонаман.

- Бугун кейинги босқичка чиқишинглар ёки гуруҳда қолиб кетишинглар ойдинлашади. Ушбу ўйинга руҳан тайёрмисизлар?
- Ўзбекистонга қарши бўлиб ўтган ўйиндан олдин футзалчиларимиз ҳам руҳан ҳам жисмонан тайёр эди. Лекин ўйин давомида йўл қўйилган хатолар туфайли мағлубиятга учрадик. Нафақат Ливан терма жамоасига қарши ўйинга, балки барча олдиндаги ўйинларга Саудия Арабистони ҳамма томонлама тайёр. Бугунги ўйинда ўзингиз гувоҳи бўласиз.

- Юртимиз сизга ёдими?
- Ўзбекистонга ташриф буюрганимдан хурсандман. Пойтахтингиз Тошкент шаҳри менга жуда ёқди. Ўзбек ҳалқи жуда ҳам хуш муомала экан.   
 

Жаҳонир Сотволдиев суҳбатлашди.