Суперлига. "Насаф"чиларга аталган 20-тур лауреатлари

Championat.asia тур баҳслари асосида тур лауреатларини аниқлади.

"Насаф" клуби бу тур ўз майдонида "Бунёдкор"га қарши ўйнади ва 5:0 ҳисобида ғалабага эришди. "Аждарлар" мавсумдаги энг чиройли ғалабаларидан бирини айнан шу турда қўлга киритишди. Шу боис Рўзиқул Бердиев championat.asia сайти талқинига кўра 20-турнинг энг яхши мураббийи деб топилди.

"Сурхон" бу тур Олмалиқда АГМК меҳмони бўлди ва кичик ҳисобда мағлуб бўлди - 0:1. Агарда термизликлар дарвозабони Рустам Нартаджиев сейвлар қилмаганида ҳисоб анча йирик кўриниш оларди. У баҳс давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 20-турнинг энг яхши дарвозабони Рустам Нартаджиев бўлди.  

Бу турда "Насаф" ҳужумчиси Ҳусайн Норчаев "Бунёдкор" билан баҳсда ажойиб гол урди ва тур голи муаллифига айланди. 

"Насаф" сафида "Бунёдкор"га қарши баҳсда Ойбек Бозоров жуда фаол ўйнади. Битта гол уришдан ташқари битта голга ассистентлик қилди. Шу тариқа, Ойбек Бозоров championat.asia талқинига кўра 20-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига