Суперлига: Чемиртан юбилей гол муаллифига айланди

Кечаги Суперлиганинг 5-тур доирасидаги "Нефтчи" - АГМК (1:3) учрашувида Суперлиганинг 50-голи киритилди. Ушбу юбилей гол АГМКнинг легионер ҳужумчиси Вадим Чемиртан ҳисобига ёзилди.

Суперлига тарихидаги дастлабки голни эса "Локомотив" ҳужумчиси Марат Бикмаев киритганди. Бикмаев илк голни "Қизилқум"нинг легионер дарвозабони Евгений Черемесинга урганди. Чемиртан эса бошқа бир легионер посбон Виталий Мирнийни ранжитди.

Шу тариқа ҳар иккала юбилей голлар легионер дарвозабонлар дарвозасига киритилди.

Суперлиганинг юбилей гол муаллифлари:

1- Марат Бикмаев ("Локомотив")

50- Вадим Чемиртан (АГМК)

Суперлиганинг 5-тури давом этмоқда. Ҳозирча янги мавсумдаги ўтказилган 26 учрашувда жами 53та гол урилди.