Стадионда чироқ йўқлиги Самарқанддаги футбол мавсумининг очилиш ўйинида мадҳияни қўйишга халал берди
05 apr 2014 21:23
News
Стадионда чироқ йўқлиги Самарқанддаги футбол мавсумининг очилиш ўйинида мадҳияни қўйишга халал берди
Футбол бўйича Ўзбекистон Биринчилиги (Биринчи Лига) биринчи босқич 1-тури доирасида 4 апрель, жума куни Самарқандда «Регистон» ва «Машъал-2» жамоалари ўртасидаги ўйин бўлиб ўтди.
ЎзПФЛ матбуот хизмати хабарига кўра, ўйин 2:0 ҳисобида майдон эгалари фойдасига ҳал бўлган.
Расмий протокол маълумотларига кўра, Самарқандда Биринчи Лига мавсумини очиб берувчи ушбу учрашувни бевосита «Олимпия» стадионидан 176 нафар томошабин кузатиб борган. Томошабинлардан бирининг Твиттерда маълум қилишича, «стадионда чироқ йўқлиги сабаб, мадҳияни қўя олишмади».
«Регистон» – «Машъал-2» учрашувини стадионда кузатиб борган самарқандлик журналистнинг Kun’га маълум қилишича, электрон воситалар ёрдамида давлат мадҳиясини қўйиш иложи бўлмаган бўлса-да, футболчилар ва ҳакамлар мадҳияни жонли ижро этишган, мадҳия ижро этилаётган вақтда Ўзбекистон байроғи кўтарилган.
Хабар беришларича, нисбатан салқин ва ёмғирли ҳавода маҳаллий вақт билан соат 16:00да бошланган ўйиннинг иккинчи бўлимида стадионга чироқ келган.
Link :
Source : kun.uz
Receive latest football news directly on your phone. Subscribe for our Telegram channel!
championat.asia
ЕЧЛ. Плей-оффга қуръа ташланди. "Манчестер Сити" - "Реал Мадрид"
Мадриддаги "фантастик тўртлик"
Тибо Куртуа: "Биз қўрқадиган рақиб йўқ. Қолганлар биздан қўрқсин — ЕЧЛ плей-офф босқичи бошланди"
"Реал" ва "Ман Сити" 4-бор ЕЧЛ плей-оффида тўқнаш келади
Comments