«Спартак» «Ницца» ярим ҳимоячисига қизиқиб қолди
27 aug 2020 15:50
News

«Спартак» «Ницца» ярим ҳимоячисига қизиқиб қолди

«Ницца» ярим ҳимоячиси Вилан Сипрьен клубни тарк этиши мумкин.

25 ёшли футболчига Москванинг «Спартак» клуби қизиқиб қолган, деб хабар бермоқда Telefoot нашри.

«Ницца» футболчини ёзги трансфер ойнаси вақтида сотишга тайёр.

Фрациялик футболчига шунингдек «Бордо» ва «Страсбур» клублари ҳам қизиқиш билдиришган. «Верона» Сипрьенни кейинчалик сотиб олиш ҳуқуқи билан ижарага олмоқчи эди, аммо рад жавобини олди.

Сипрьен ўтган мавсум Франция чемпионатида 20та ўйинда майдонга тушиб 7та гол урди ва 4та голли пас берди.