Latest news

15:10Мираброр Усмонов Кубоги-2025 мусобақаси тақдирлаш маросимидан ГАЛЕРЕЯ  0 14:55Аёллар Осиё Кубогига қуръа ташланди: Ўзбекистон КХДР билан беллашади  1 14:37БУМ! Ўзбекистон МТЖ ноябрь ойида Тошкентда жаҳон чемпионига қарши ўйнайди  16 14:26Ўзбекистон U-23 терма жамоаси хотира турнирида Японияга имкониятни бой берган ўйиндан ГАЛЕРЕЯ  0 14:13"Арсенал" Салиба билан шартномани узайтириш жараёнини тезлаштирди  1 13:40Мақсад U-23 Осиё кубогини ютишми ёки Олимпиадага чиқиш?   3 13:20Кичик Пеледан Марадона Жуниоргача: яшил майдонда омади чопмаган фарзандлар  3 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  3 12:32"Металлург" – сокинлик бағридаги юбилей  9 12:03Расман: "Бунёдкор" легионер ҳужумчи трансферини эълон қилди  2 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  8

Сон Хён Мин билан суҳбат: "Хафа" Жанубий Корея Ўзбекистонни мағлуб этмоқчи News

Сон Хён Мин билан суҳбат: "Хафа" Жанубий Корея Ўзбекистонни мағлуб этмоқчи

ОФК расмий сайти Жанубий Корея - Эрон (0:0) учрашувидан кейин Сон Хён Мин билан суҳбатни чоп этди.

Сон Хён Мин Корея Республикаси футболчилари пайшанба куни бўлиб ўтган ўйиндан сўнг тушкунликка тушиб қолганларини тан олди. Эрон Ислом Республикаси билан бирга саралашнинг "А" гуруҳидан Россияда бўлиб ўтадиган ЖЧ-2018га йўлланма олиш учун "Тегу жангчилари" кеча Ўзбекистонга ташриф буюришди.

Шарқий Осиёликлар енгилмас Эрон билан ўйинда нурсиз дурангга рози бўлишди. Ўзбекистон Хитойга 0:1 ҳисобида мағлуб бўлганидан кейин Шин Те Юннинг жамоаси яна икки очко кўпроқ жамғарганда, Ўзбекистон ва Сурия термаларининг ЖЧ ҳақидаги умидларини пучга чиқарар эди.



"Биз бор кучимиз билан ҳаракат қилдик. Баъзида ғалаба сиз томонда бўлса, баъзан эса у сиздан юз ўгиради. Аммо, энг асосийси биз ҳаракат қилдик", — дейди Сон.

"60000 мухлис ажойиб атмосферани яратиб берди, аммо натижа бизни бироз тушкунликка тушириб қўйди. Шу сабабдан ҳам энди биз Ўзбекистон устидан ғалаба қозонишимиз шарт".

Эътиборлиси шундаки, Жанубий Корея терма жамоаси Эрон билан ўйингача уйда ўтказган 4 ўйиннинг барчасида ғалаба қозониб, мухлислари кўз ўнгида 100 фоизлик натижа билан етиб келган эди.

Аммо, Эрон бунгача 8 учрашувда мағлуб бўлмаганди ва жамоа ҳимоядан ўйнашга қарор қилди. Бу тўсиқни "ёриб" ўтиш зарур эди. "Seoul World Cup Stadium" худди корейсларга устунлик берадигандек эди.

Саид Иззатуллоҳи қизил карточка олиб майдонни эрта тарк этгандан сўнг, мезбонлар устунликка эга бўлиши учун қулай имконият эди. Аммо, амалда бироз бошқачароқ бўлди. Натижада, камчиликни ташкил қилган меҳмонлар ҳимояга янада кўпроқ эътибор қаратишди ва дуррангни сақлаб қолишди.

"Эрон доимгидек яхши ҳимояланди. Кейин эса қарши ҳужумларда хавфли ҳаракат қилишга урунди. Шунинг учун рақиб дарвозаси олдида вазият яратиш қийин бўлди. Бу футбол ва баъзан шундай ўйинлар бўлиб туради", — деб қўшимча қилди Сон.

Ўзбекистон Хитойга 0:1 ҳисобида мағлуб бўлиши жамоанинг ЖЧга тўғридан-тўғри йўлланма берувчи иккинчи ўринни эгаллаш имкониятларини пасайтириб юборди. Хитойдаги ўйин хабари Корея Республикаси учун ёмон янгилик эмас эди.

Аммо, Суриянинг ғалабаси вазиятни янада чигаллаштириб юборди. Энди Сон ва жамоадошлари ўзлари учун кетма-кет тўққизинчи ЖЧ йўлланмасига эга чиқишлари учун Тошкентда ғалаба қозонишга мажбурлар.

"Ўзбекистон мағлуб бўлгани ёки ютганининг бизга аҳамияти йўқ. Ўйинга яхшилаб тайёргарлик кўрамиз. Имкониятларимизни 100% ишга солишимиз шарт. Биз бир-биримизни тушуниб, бир хил фикрлаб ҳаракат қилишимиз зарур. Биз у ерда очко йўқотишни хоҳламаймиз, дурангга ҳам рози эмасмиз. Биз у ерга 3 очко учун кетяпмиз", — деди Сон.


Нозима Зарипова тайёрлади


Rating: -61   

Comments

championat.asia
< show latest news
Яндекс.Метрика