Солигорскнинг "Шахтёр" клубига нисбатан жиноий иш очилди. "Энергетик-БГУ" чемпион сифатида эълон қилиниши мумкин
31 jan 2023 00:54
News

Солигорскнинг "Шахтёр" клубига нисбатан жиноий иш очилди. "Энергетик-БГУ" чемпион сифатида эълон қилиниши мумкин

Беларусь чемпионатининг 2022 йилги мавсумдаги ғолиби Солигорскнинг "Шахтёр" жамоаси собиқ спорт директори Владимир Нидергаус Минскда ҳибсга олинди.

Маълумотларга кўра, Нидергаус Беларусь чемпионати ўйинларида натижага таъсир кўрсатгани туфайли қўлга олинган. "Шахтёр" клубига нисбатан спорт мусобақаси иштирочиларини сотиб олиш банди бўйича жиноий иш очилган. Айни дамда текширув ишлари давом этмоқда.

Агар "Шахтёр" ўйинларни сотиб олгани исботланса, Солигорск клубида очколар олиб ташланади ва "Энергетик-БГУ" 2022 йилги мавсум чемпионига айланади.

Эслтиб ўтамиз, Ўзбекистон терма жамоаси вакили Бобир Абдиҳолиқов Беларусь чемпионати 2022 йилги мавсумида "Энергетик-БГУ" шарафини ҳимоя қилиб, 30та ўйинда 26та гол уришга муваффақ бўлганди. Бобирдан ташқари "Энергетик-БГУ" сафида ўзбекистонлик Абдуқодир Ҳусанов, Амир Бакаев ва Шоҳруҳ Абдураҳмоновлар тўп тепишган.

Link :

Source : esoligorsk.by

Receive latest football news directly on your phone. Subscribe for our Telegram channel!

Rating: +12