Славянлар тўқнашуви: етакчиларсиз Россия Матичсиз қолган Сербияга қарши

Бугунги кунга белгиланган баҳслар орасида бир қатор эътиборга моликлари бор. Демак, диққатингизни "B" лиганинг 3-квартетига қаратинг. Мазкур гуруҳдан 4 жамоа ўрин эгаллаган: Россия, Венгрия, Туркия ва Сербия.

Бугун 1-тур доирасида серблар Москвада меҳмон бўлишса, Туркия Сивасда венгерларни қабул қилади. Ҳар иккала ўйин Тошкент вақти билан 23:45 да бошланиши режалаштирилган. 

Ҳозир Москвадаги ўйин ҳақида қисақача маълумот берамиз.

Russia Artem Dzyuba - 48', Vyacheslav Karavaev - 69', Artem Dzyuba - 81'

UEFA Nations League B Grp. 3 . Round 1 03/09/2020, 23:45 1 : 3 Finished

Serbia Aleksandar Mitrovic - 78'

Stadium: VTB Arena, 0 spectators

Referee: William Collum

45'

90'

48'  Artem Dzyuba

67'  Zelimkhan Bakaev (Anton Miranchuk)

69'  Vyacheslav Karavaev

69'  Roman Zobnin

77'  Andrey Semenov (Roman Neustaedter)

80'  Yuri Zhirkov (Daler Kuzyaev)

81'  Artem Dzyuba

46'  Strahinja Pavlovic

58'  Nikola Maksimovic

65'  Strahinja Pavlovic (Aleksandar Kolarov)

65'  Sergej Milinkovic-Savic (Filip Djuricic)

78'  Aleksandar Mitrovic

78'  Darko Lazovic

85'  Nemanja Maksimovic (Adem Ljajic)

Open in Match Center

Россия

Руслар иккинчи бор "А" лигага кўтарилиш учун уриниб кўришади. 2018-19 йилги мусобақада бунга бир қадам қолган, аммо тўплар нисбатидаги устунлик шведларни юқори лигага олиб чиққан эди. Шундан бери Россия терма жамоаси фақат Европа чемпионати саралашида иштирок этди ва 10 учрашувда 8 ғалаба билан мусобақанинг финал босқичига йўлланмай олди. Саралашдаги ҳар икки мағлубия Бельгия терма жамоасидан қабул қилиб олинган эди.

Руслар расмий учрашувда сўнгги бор ўтган йилнинг ноябрь ойи ўрталарида иштирок этишган (Сан-Марино, 5:0). Пандемия туфайли жорий йилда  терма жамоалар деярли ўйин ўтказишмади. Аммо бугун улар катта саҳнага чиқишади. 

Черчесов жамоасида йўқотишлар талайгина, одатда у ишонч билдирадиган қатор футболчилар Сербияга қарши ўйнай олмайди: Александр Головин жароҳатланди, Денис Черышев тикланишга улгурмаган, майдон марказида Дмитрий Баринов ва Ильзат Ахметов бўлмайди, Далер Кузяев эса ҳамон клубсиз. Головиннинг ўрнини Миранчукларнинг каттаси билдирмаслиги мумкин эди, бироқ у ҳам сафда эмас. Жорий ёз ҳар 3-4 кунда ўйнаган Дзюбанинг "қуввати тугаб қолган". 

Шунингдек, бугун "Арсенал" (Тула) футболчиси Евгений Луценко ва "Зенит" вакили Андрей Мостовой терма сафида дебют қилиши мумкин.

Сербия

Миллатлар лигасининг ўтган мавсумида ишонч билан иштирок этган серблар "B" лигага йўлланмани қўлга киритишган эди. Айни пайтда бу жамоани 67 ёшли Любиша Тумбакович бошқармоқда. Мазкур мураббий Европа чемпионати йўлланмаси Украина ва Португалияга бой берилгач, жамоа бошқарувига келган эди. Унинг қўл остида бир қатор юлдузлар бор: ҳимояда Коларов ва Максимович, ярим ҳимоя – Тадич, Ляич ва Милинкович-Савич, ҳужумда эса Митрович ва Йович.

Хабарингиз бор, "Манчестер Юнайтед" ярим ҳимоячиси Неманья Матич 28 август куни тўсатдан терма жамоадан кетганини эълон қилди. Айни пайтда жамоа етакчиси вазифасини Душан Тадич ҳамда Сергей Миликович савич бажарса керак.

Маълумот учун мазкур жамоалар бугунга қадар 4 бор ўртоқлик ўйинларида тўқнаш келишган: 2 дуранг, русларнинг 2 ғалабаси. Бугунги учрашув Россия ва Сербия терма жамоалари ўртасидаги илк расмий баҳс ҳисобланади. Қизғин ва муросасиз курашларга бой бўлиши кутилаётган ўйинни ўтказиб юборманг.

Шунингдек, бугун яна 9 та учрашув ўтказилади:

23:45. Туркия - Венгрия

21:00. Латвия - Андорра

23:45. Германия - Испания

23:45. Украина - Швейцария

23:45. Болгария - Ирландия

23:45. Финляндия - Уэльс

23:45. Молдова - Kосово

23:45. Словения - Греция

23:45. Фарер – Мальта