Сирож Ҳамроев: "Машъал"нинг вазифаси ОЧЛга йўлланма олиш"
15 apr 2016 23:15
News
![](https://championat.asia/upload/storage/204968_original.jpg)
![](/upload/storage/204968_220.jpg)
Сирож Ҳамроев: "Машъал"нинг вазифаси ОЧЛга йўлланма олиш"
- "Локомотив" чемпионлик учун курашаётган кучли жамоа. Уларга қарши ўйин ҳар доим қийин бўлиб келган. Бугунгиси ҳам бундан мустасно эмас. "Локо" чемпионатда ҳам, ОЧЛда ҳам гуруҳда пешқадамлар сафида. Бу бежизга эмаслигини бугун ҳам исботлашди. Бугунги режаларимиз, ўйлаб қўйган тактикамиз иш бермади. Кейинги ўйинларда яхши ҳаракат қилиб, мухлисларимизни хурсанд этишга бор кучимизни сарфлаймиз. Буёғига доимо олға интилмоғимиз лозим. Мураббийимиз ҳимояда ўйнаб, қарши ҳужумда рақибни ушлашга ҳаракат қилишимизни таъкидлаганди. Аммо буни уддалай олмадик. Биринчи таймдаги белгиланган пенальти барча режаларимизни бузиб қўйди. Шунингдек, ҳимояда ҳам кутилганидек ўйнай олмадик. Биринчи бўлимдаги асосий вазифамиз аввало дарвозамиздан тўп ўтказиб юбормаслик эди. Аммо буни уддалаш қўлимиздан келмади. Якунда бу бизга панд берди. Чемпионат биз учун кўнгилдагидек бошланмаган эди. Дастлабки иккита турни ёмон ўтказгандик. Аммо "Бунёдкор" билан ўйиндан сўнг жамоа ўзига келишни бошлади. Ўтган турда эса "Навбаҳор"ни мағлуб этиб ушбу баҳсда аъло кайфиятда ташриф буюргандик. Жамоамизнинг ушбу мавсумдаги вазифаси ва мақсади Ўзбекистон кубогида зафар қучиш. Ўзбекистон кубогини қўлга киритиб, кейинги йили ОЧЛда юртимиз шарафини ҳимоя қилиш.
Similar news
![AMP Logo](https://championat.asia/image/logo-amp.png)
Comments