Шуҳрат Файзиев: "Машъал" билан ўйин "Бухоро"га сўнгги имконият эмас"

Бош мураббийнинг ўрнига ёрдамчи мураббий Шуҳрат Файзиев журналистларнинг саволларга жавоб берди.

"Шунча имкониятдан фойдалана олмадик. Бу борада ҳар икки жамоадан ҳам кўплаб вазиятлар бўлди. Очиқ футболда гол кўрмадик. Бу ўйин биз учун жуда-жуда муҳим эди. Афсуски уч очкони қўлга кирита олмадик. "Машъал" ҳам яхши жамоа эканлигини исботлаш учун ҳаракат қилди. Ҳар икки жамоа ҳам битта гол билан ғалаба қозониб кетиши мумкин эди. Сўнгги ўйинларда максимал натижа учун курашамиз. Бу биз учун жуда ҳам зарур. Бош мақсадимиз ҳам Олий лигада жамоани сақлаб қолиш.

Улуғбек Бақоевнинг жамоага қайтиши биз учун катта ютуқ бўлди деса бўлади. Икки ўйинда киритган голлари бизга олти очко тақдим этди.

Бугунги ўйин биз учун охирги имконият эмас. Бизда ҳали яна тўртта учрашув бор. Охиригача курашиб олтин очколарни қўлга киритишимизга ишонамиз. Бизда фақат битта муаммо бор. Ўйин давомида вазиятни сўнгги қисмини муваффақиятли якунлаш йўқ" , - дейди Шуҳрат Файзиев