Шквирин - март ойининг энг яхши мураббийи, Ваҳобов - энг яхши футболчи

"Қизилқум" клуби ҳужумчиси Баҳриддин Ваҳобов эса март ойида футболчилар орасида энг яхши деб топилди.

Эслатиб ўтамиз, ҳар йили анъанавий тарзда ўтказиладиган ойнинг энг яхшиларини аниқлаш жараёнига ушбу мавсумдан бошлаб ўзгартириш киритилди. Унга кўра, 2015 йилги мавсумдан бошлаб, ушбу соврин “Championat.asia” ва ЎзПФЛ мукофоти" деб аталади.

Жами 17та ОАВ ташкилоти иштирок этган март ойи сўровномасида мутахассислар томонидан беш нафардан номзод танлаб олинди. Унга кўра, сафарда “Пахтакор”дан қимматли очколарни олиб, ўз майдонида “Насаф”ни мағлубиятга учрата олган “Олмалиқ” бош мураббийи Игорь Шквирин 89 очко билан ойнинг энг яхши мураббийи бўлди. Дастлабки икки тур натижаларига кўра, 6 очко жамғарган Александр Хомяков 29 очко тафовут билан иккинчи бўлди. Учинчи ўрин “Локомотив” ва “Навбаҳор”дан биттадан очко олган “Металлург” устози Рустам Мирсодиқовга насиб этди. Кучли бешликни Сергей Лушан ва Мухтор Қурбонов якунлаб бердилар.

“CA” ва ЎзПФЛ соврини ғолиби бўлган мураббийнинг март ойидаги натижалари:

Ўрин	Мураббий	Клуб	I	II	III	IV	V	Жами
1	Игорь Шквирин	“Олмалиқ” (Олмалиқ)	17	1	-	-	-	89
2	Александр Хомяков	“Машъал” (Муборак)	1	9	5	1	2	60
3	Рустам Мирсодиқов	“Металлург” (Бекобод)	-	3	5	3	7	40
4	Мухтор Қурбонов	“Шўртан” (Ғузор)	-	2	5	8	3	42
5	Сергей Лушан	“Бунёдкор” (Тошкент)	-	3	3	6	6	39

Худди шундай, 5 нафар футболчилардан иборат бўлган номзодлар ичида “Қизилқум” ҳужумчиси Баҳриддин Ваҳобов илк турдаги хет-триги туфайли биринчи ўринни қўлга киритди. Кетма-кет икки турда биттадан гол уриб, “Машъал”нинг ғалабасига муносиб улуш қўшган россиялик легионер Владислав Иванов иккинчи бўлди. “Пахтакор” ва “Насаф”га қарши кечган ўйинларда биттадан голли пас берган Шавкат Саломов учликни якунлаб берди. Март ойида бўлиб ўтган икки ўйинда ўз дарвозаси дахлсизлигини сақлай олган Ботир Носиров тўртинчи ўринни қўлга киритди. Жадвалнинг сўнгги поғонасидан “Металлург” ҳимоячиси Дилмурод Каримов ўрин олди.

“CA” ва ЎзПФЛ соврини ғолиби бўлган футболчининг март ойидаги натижалари:

Ўрин	Футболчи	Клуб	I	II	III	IV	V	Жами
1	Баҳриддин Ваҳобов	“Қизилқум” (Навоий)	9	4	5	-	-	76
2	Владислав Иванов	“Машъал” (Муборак)	3	6	4	4	1	60
3	Шавкат Саломов	“Олмалиқ” (Олмалиқ)	5	1	4	5	3	54
4	Ботир Носиров	“Машъал” (Муборак)	1	6	2	7	1	50
5	Дилмурод Каримов	“Металлург” (Бекобод)	-	1	3	2	12	29

Ким кимга овоз берди. Тўлиқ рўйхат билан танишинг.