Latest news

01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  13 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  3 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  30 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Шерзод Ҳакимов: “Навбаҳор”да бу йил ижобий натижа қайд этиш учун барча нарса мавжуд” News

Шерзод Ҳакимов: “Навбаҳор”да бу йил ижобий натижа қайд этиш учун барча нарса мавжуд”

Жамоамизнинг Тошкентдаги ўқув-машғулот йиғинида жамоамиз таркибига тажрибали ҳужумчи Шерзод Ҳакимов қўшилиб, “Навбаҳор” билан шартнома имзолади ва Суперлига 2-давра баҳсларида наманганликлар шарафини ҳимоя қиладиган бўлди.

Биз – мухлисларга ушбу футболчини яхшироқ таништириш мақсадида ундан интервью олдик.

- Шерзод, жамоада сизни қандай кутиб олишди? Ҳар ҳолда, сиз олдин “Навбаҳор”нинг ашаддий рақиби “Нефтчи”да ўйнагансиз...

- Жамоада мени илиқ кутиб олишди. Умуман олганда, “Навбаҳор” мен учун бегона эмас ҳамда “водий дербилари”да наманганликларга қарши кўп маротаба майдонга тушганман. Энди янги клубимда бор маҳоратимни ишга солиб, “Навбаҳор” шарафини муносиб ҳимоя қилиш ниятидаман.

- Тошкентдаги машғулотлар қандай ўтди ва Деян Журжевичнинг машғулотлари бошқа мураббийларникидан нимаси билан фарқ қилади? Унинг машғулотларида Европа ҳавоси сезилдими?


- Деян Журжевич мамлакатимиз футболи учун бегона шахс эмас. Ушбу мутахассис олдин ҳам юртимизда, жумладан, “Пахтакор” клуби ва Ўзбекистон миллий терма жамоасида фаолият юритган.

Жаноб Журжевич нафақат мураббий, балки, футбол инфратузилмалари бўйича ҳам яхши тажрибага эга мутахассис ҳисобланади.

Албатта, у европалик мутахассис бўлганидан кейин, машғулотларида “қўҳна қитъа” ҳавоси сезилиши шубҳасиз. Деян Журжевичнинг “Навбаҳор” ҳамда Наманган футболига кўп фойдаси тегади, деб умид қиламан.



- “Навбаҳор”нинг 1-даврадаги ўйинларини кузатдингизми ва бу ҳақда хулосаларингиз қандай?


- Жамоа охирги йилларда ўз нуфузини анча тиклаб олди. Наманганга катта футбол ҳавоси қайтди, дейиш мумкин. Наманганликларнинг биринчи даврадаги натижаларига келсак, у пайтда мен бошқа клуб футболчиси эдим ҳамда собиқ мураббий Андрей Канчельскис қайд этган натижаларни мухокама қилмоқчи эмасман.

- Сизнингча, бу йилги Суперлига баҳслари қандай ўтяпти?


- Суперлигамиз йилдан - йилга кучайиб, савияси ошиб бормоқда. Бунга эса футболимизда юз бераётган ислоҳотлар ҳам туртки бўляпти.

Жорий мавсум баҳслари эса олдинги йиллардагидан анча қизиқарли ва кескин курашлар остида кечмоқда. Барча жамоаларнинг кучи деярли тенг. Ҳар қандай клубга қарши ўйнаса бўлади.

- Жорий мавсумда “Навбаҳор”нинг олдига юксак мақсад қўйилган. Сизнингча, буни амалга ошириш учун нималарга кўпроқ эътибор бериш лозим? Жамоанинг ҳозирги таркиби буни амалга оширишга қодирми?


- Натижалар давомийлиги ўзимизга боғлиқ. Ҳозир таъкидлаганимдек, Суперлигада кучсиз рақиб йўқ. Ҳар қандай жамоа рақибига яхшигина муаммо туғдирмоқда. “Навбаҳор”да эса бу йил ижобий натижа қайд этиш учун барча нарса мавжуд. Мураббийлар штаби ва таркибдан кўнглим тўқ. Муҳими, барчамиз жипс бўлиб, ҳаракат қилсак бўлди. Шунда ўз мақсадимизга эришамиз.

- Шу пайтгача қўл остида ўйнаган мураббийлардан қайсиниси сизда яхши таассурот қолдирган?


- Шубҳасиз, бу - Юрий Вазгенович Саркисян! У ҳақда узоқ гапириш шарт бўлмаса керак. Саркисяннинг қандай инсон ва мураббий эканлигини ҳамма билади.



- “Водий дербиси” баҳсларини соғинган бўлсангиз керак? Боиси, 1-даврада “Сурхон”да ўйнаганингиз учун, дербиларда қатнашолмадингиз.


- Ҳа, дербиларни соғиндим. “Водий дербиси” ўйинларида иштирок этиш ҳар қандай футболчига ўзгача завқ бағишлайди.

- Бўлажак “водий дербиси” баҳсларидан нималар кутяпсиз?


- Фақат ғалаба! Умид қиламанки, ҳар бир ўйинда максимал натижа қайд этамиз ва жамоамизнинг салоҳияти бунга қодир.

- Мухлисларга тилакларингиз...


- Наманганлик мухлисларни чин маънода “Навбаҳор”нинг юраги дейиш мумкин. Уларнинг “лочинлар”ни уй ва сафар ўйинларида мунтазам қўллаб-қувватлаб туришларини алоҳида эътироф этиш мумкин. Ишқибозлар жамоамизни шундай қўллаб-қувватлашда давом этишсин. Биз эса фақат улар учун майдонга тушиб, ғалабаларимиз билан қувонч улашишга ҳаракат қиламиз.

Rating: +6   

Comments

championat.asia
< show latest news
Яндекс.Метрика