Гризманн "Атлетико" — "Реал" ўйинида 199-голини урди. У клуб тарихидаги энг яхши тўпурар
28 sep 2025 11:37
News

Гризманн "Атлетико" — "Реал" ўйинида 199-голини урди. У клуб тарихидаги энг яхши тўпурар

Антуан Гризманн "Атлетико" сафида 200 та гол уришига битта қолди.

Франциялик футболчи Ла Лига 7-тури доирасидаги бугунги дербида "матрасчилар"нинг "Реал" дарвозасига киритган бешинчи голига муаллифлик қилди (5:2).

Бу гол Гризманн учун "Атлетико" сафидаги 199-тўп бўлди. У клуб тарихидаги энг яхши тўпурар. Иккинчи ўринда бораётган Луис Арагонес ҳисобида 159 та гол бор.

Гризман 2014 йилдан 2019 йилгача "Атлетико" шарафини ҳимоя қилган. У "Барселона"даги фаолиятидан сўнг 2021 йилда Мадрид клубига қайтди.