Шерали Жўраев: "Олдимизга мавсумни юқори ўринларда якунлаш вазифаси қўйилди"

Ушбу ўртоқлик учрашувида "Қизилқум" 2:1 ҳисобида ғалаба қозонди. Қизиқарли кечган баҳсдан сўнг "Қизилқум" жамоаси футболчиси Шерали Жўраев тайёргарлик тўғрисида ўз фикрларини билдириб ўтди.


"Янги мавсумга жиддий тайёргарлик олиб боряпмиз. Бугун Жиззахнинг "Сўғдиёна" жамоаси билан назорат учрашувини ўтказдик. Яна олдимизда бир қатор ўртоқлик учрашуви турибди. Кейинги назорат учрашувини "Бухоро" жамоасига қарши ўтказамиз. Шундан сўнг, чемпионатимизбинг бир қатор кучли жамоаларига қарши назорат учрашувини ўтказамиз. Барча жамоалар янги мавсумга жиддий тайёргарлик кўрмоқда. Биз ҳам худди шундай руҳда тайёргарликни давом эттиряпмиз. Раҳбарият томонидан олдимизга мавсумни юқори ўринларда якунлаш вазифаси қўйилди", - дейди Шерали Жўраев

Жаҳонгир Сотволдиев ёзиб олди