Роналдиньо медиалигада дебют қилди. У ўйинга пушти хаммер лимузинда келди

Роналдиньо Кингс Лигадаги “Порсиньос” жамоаси сафида 8-тур доирасидаги “Пио”га қарши баҳсда майдонга тушди. У жамоадошлари билан ўйинга пушти хаммер лимузинда келди.

42 ёшли футболчи 5-дақиқада захирадан майдонга тушиб, сардорлик боғичини олди. Ўйин трансляциясини YouTube ҳамда Twitch платформалари орқали миллионга яқин мухлис кузатиб борди.

“Порсиньос” Роналдиньо тушган бўлишига қарамай рақиб билан нурсиз дуранг ўйнади ва пенальтилар сериясида 1:3 ҳисобида ютқазди.

Шунингдек, Ибаи Льянос (испаниялик блогер, стример ва киберспорт ўйинлари шарҳловчиси) мураббийлигидаги жамоада Чичарито ва “Эспаньол” афсонаси Рауль Тамудо ҳам ҳаракат қилади,

Кингс Лига – Испания медиалигаси мусобақаси ҳисобланади ва унинг ташкилотчиси Жерар Пикедир. Баҳслар 7х7 форматда ўтказилади.