Раббим Ҳасанов: “Барча жамоаларда молиявий муаммо бўлса керак”
15 jan 2017 19:11
News

Раббим Ҳасанов: “Барча жамоаларда молиявий муаммо бўлса керак”

Жиззахнинг “Сўғдиёна” клуби янги мавсумга жиддий тайёргарлик кўрмоқда. Лекин жамоани бир қатор футболчилар тарк этишди.

Уларнинг ўрнига эса янги футболчилар ташрифи давом этмоқда. Жамоа ярим ҳимоячиси Раббим Ҳасанов ўз фикрларини билдирди.

“Машғулотларда кўпроқ жисмоний ҳолатимизга эътибор қаратяпмиз. Куни кеча Самарқанднинг “Динамо” клубига қарши назорат учрашувини ўтказдик. 18 январь куни Тошкентда йиғилиб, машғулотларни бошлаймиз. Тошкентда 3-4та жамоалар билан ўртоқлик учрашувини ўтказамиз.

“Сўғдиёна” клуби билан шартномам ўз якунига етган. Клуб раҳбарияти мени жамоада қолишимни истаяпти. Молиявий муаммо барча жамоаларда бор. “Сўғдиёна” клуби раҳбарияти ҳам бундай муаммоларни секин-аста бартараф этмоқда.

Ҳозир бошқа жамоалардан қизиқишлар бор, лекин қайси жамоалиги сирлигича қолсин. Қолганини вақт кўрсатади. Чемпионатгача анча вақт бор. Ҳамма нарса ўзгариб кетиши ҳам мумкин. Агарда жиддий таклифлар бўлса ўйлаб кўраман ва қайси вариант маъқул келса ўшани танлайман. Футболчининг ҳаёти шу. Бир кун бошқа клубда, яна бир кун бошқа клубда”, - дейди Раббим Ҳасанов.

Жаҳонгир Сотволдиев

Link :

Source : championat.asia

Receive latest football news directly on your phone. Subscribe for our Telegram channel!

Rating: +1