"Премьер-лига тарихидаги энг яхши жамоага қарши курашда чемпион бўлишимиз мумкин" — Артета
20 may 2023 14:53
News

"Премьер-лига тарихидаги энг яхши жамоага қарши курашда чемпион бўлишимиз мумкин" — Артета

Мутахассис оптимистик руҳни сақлаб қолмоқда.

"Арсенал" бош мураббийи Микель Артета Англия Премьер-лигасидаги чемпионлик пойгаси ҳақида гапирди.

"Икки ўйин қолди, аммо биз ҳали ҳам Премьер-лига тарихидаги энг яхши жамоага қарши курашда чемпион бўлишимиз мумкин. Бу кураш 10 ойдан бери давом этмоқда ва бизни ҳали олдинда иккита ўйин кутиб турибди. Ва биз буни яширмаймиз. Кейинги мавсумда кўп нарса нима қилишимизга, қандай ривожланишимизга боғлиқ бўлади. Ниманидир башорат қилиш жуда мушкул", – деди Артета.

Мавсум якунланишига 2 тур қолганида "Арсенал" 81 очко билан АПЛ турнир жадвалида 2-ўринда бормоқда. Пешқадам "Манчестер Сити" ҳисобида 4 очко кўпроқ ва захирасида бир ўйин бор. Агар "Челси"га қарши ўйинда ғалаба қозонса, "шаҳарликлар" чемпион бўлади.

Link :

Source : Football Daily

Receive latest football news directly on your phone. Subscribe for our Telegram channel!

Rating: +7