“Порту” ходими Роналдуни “чўчқа” деб атади
10 mar 2021 20:10
News

“Порту” ходими Роналдуни “чўчқа” деб атади

ЕЧЛ 1/8 финалидан ўрин олган “Ювентус” – “Порту” баҳсидан кейин меҳмон жамоанинг мухлислар билан ишлашдаги масъул ходими ҳамда “Драгау” стадиони сухандони Криштиану Роналдуни ҳақоратлади.

“Италиялик ўғрилардан қасос олдик, чўчқа Роналдунинг “Драгау”да қилган иши учун қасос олдик. Қандай ғурур бу “Порту”! Мурарияда карнавал!
Долорес ва унинг кар-кар оиласидан жавоб кутаман”, деб ёзган сторисига Сауль.

Мурария – Лиссабондаги туманлардан бири, Роналду эса “Спортинг” тарбияланувчиси ҳисобланади. Долорес – Криштианунинг онаси.

Бу Сауль билан боғлиқ биринчи можароли ҳолат эмас. У 2017 йилда “Бенфика”га қарши ўйиндан сўнг ҳакамларга: “Бизни тунашларидан чарчадик!” деб бақиргани учун 30 кунга дисквалификация қилинганди.