"Пахтакор"да футбол зилзила куни ҳам тўхтамаган

1966 йил 26 апрель куни саҳар пайтида Тошкентда кучли ер қимирлаши рўй берган.  Унинг кучи 7,5 баллга тенг бўлган, лекин бу футбол учрашувини тўхтата олмаган. СССР чемпионати олий лигаси тақвимига кўра, "Пахтакор" Минскнинг "Динамо" жамоасини қабул қилган. 

Зилзилага қарамай, ўйин бекор қилинмаган. Беллашув давомида яна ер силкиниши кузатилган.

Севимли жамоасини қўллаб туриш учун стадионга 50 минг ишқибоз ташриф буюрган. Жамоа эса мухлисларни 1:0 ҳисобидаги ғалаба билан хурсанд этган.