"Пахтакор" вице-президенти Грузия элчиси билан учрашди
15 sep 2014 15:37
News

"Пахтакор" вице-президенти Грузия элчиси билан учрашди

Бу йил Тбилисининг "Динамо" жамоаси Собиқ Иттифоқ чемпионатида илк олтин медални қўлга киритганига 50 йил тўлади.

Ўшанда биринчи ўрин учун қўшимча учрашувда "Динамо" Москванинг "Торпедо" клубини "Пахтакор" стадионида 4:1 ҳисобида доғда қолдирганди. Шу муносабат билан грузияликлар ўша тарихий ғалабани муносиб нишонлашни мақсад қилишган. Муҳтарам элчи суҳбат давомида футболга бўлган қизиқиши, "Пахтакор" ва ўзбек футболи ҳақида фикрларини айтиб ўтди.

Шу билан бирга Тбилиси жамоасининг муваффақиятини нишонлаш мақсадида Тошкентга "Динамо"нинг ёшлар таркиби "Пахтакор" ёшлари билан куч синашиш учун ташриф буюриши, "Динамо" сафида 1964 йилги ўйинда майдонга тушган ва Грузия футболининг бир қатор афсоналари келишини режалаштираётганини таъкидлади.

Ўз навбатида "Пахтакор" вице-президенти ҳам бунга ижобий муносабат билдирди. Шундай қилиб, 14-15 ноябрь кунлари Тошкентга "Динамо" Тбилиси афсоналари ва ёшлар таркиби ташриф буюради. 1995 йил ва ундан кейин таваллуд топган футболчилар ўртасида ўртоқлик учрашуви ўтказилади. Тадбирга "Торпедо" вакилларини таклиф этиш ҳам кўзда тутилган.

Link :

Source : championat.asia

Receive latest football news directly on your phone. Subscribe for our Telegram channel!

Rating: