"Пахтакор" 1,8 миллион евролик футболчини ўз сафига қўшиб олди
23 jun 2017 14:35
News

"Пахтакор" 1,8 миллион евролик футболчини ўз сафига қўшиб олди

Тошкентнинг "Пахтакор" клуби бугун янги мураббий ва футболчини таништиради.

Грузиялик бош мураббий Шота Арвеладзедан ташқари жамоанинг янги аъзоси, черногориялик ҳимоячи Марко Симич таништирлади. Ушбу футболчининг сўнгги клуби Россиянинг "Ростов" клуби бўлган. Transfermarkt портали маълумотига кўра айни пайтда Симичнинг трансфер баҳоси 1,8 миллион еврога тенг. Ушбу порталга кўра Симичнинг трансфер баҳоси энг юқорига кўтарилган пайт 2013 йил бўлган. Туркиянинг "Қайсариспор" клубида ўйнаган даврда ҳимоячининг нархи 3 миллион еврони ташкил этган.

1 июль куни унинг "Ростов" билан тузган шартномаси ўз ниҳоясига етади ва Симич "Пахтакор" сафига эркин агент сифатида кўчиб ўтади.