Ўзбекистон терма жамоаси йиғинни бошлади ФОТО

Таиланд ва Эрон билан ўйинлар учун тайёргарликнинг биринчи кунида бир қатор легионерлар ва маҳаллий футболчилар машғулот ўтказишди. Қолган футболчилар икки-уч кун ичида терма ихтиёрига қўшилишади.

Эслатиб ўтамиз, Ўзбекистон миллий терма жамоаси 6 июнь куни Тошкентда Таиландга қарши ўртоқлик ўйинида майдонга тушади. Беллашув “Бунёдкор” стадионида соат 20:00 да бошланиши режалаштирилган. Эронга қарши учрашув эса 12 июнь куни Теҳрондаги “Озоди” стадионида Тошкент вақти билан соат 21:45 да бошланади.

Маълумот учун, ЖЧ–2018 турнирига саралаш босқичи “А” гуруҳи 7-туридан кейин Эрон 17 очко билан пешқадамлик қилмоқда. Жанубий Корея 13 очко билан иккинчи, Ўзбекистон 12 очко билан учинчи ўринда бормоқда.