Ўсмирларимиз Туркияда икки ўйинда йирик ғалабага эришишди
25 mar 2014 13:21
News

Ўсмирларимиз Туркияда икки ўйинда йирик ғалабага эришишди

Ўзбекистон U-16 ўсмирлар терма жамоаси навбатдаги ўқув-машғулот йиғинини ўтказиш учун Туркияга жўнаб кетгани хақида хабар берган эдик.

Темур Олимхўжеав бошчилигидаги Ўзбекистон U-16 ўсмирлари 21 ва 23 март кунлари Анталия шаҳрида иккита ўртоқлик учрашувда майдонга тушган.

Дастлаб Россиянинг “Зенит” клуби (U-16) ўсмирларига қарши майдонга тушган Ўзбекистон U-16 ўсмирлари 3:0 ҳисобида ғалаба қозонишган.

Иккинчи учрашувда Туркиянинг “Кепес” футбол клуби академияси ўсмирлари 4:0 ҳисобида мағлубиятга учратилган.

Ўзбекистон U-16 ўсмирлари Туркия йиғини давомида 25 ва 27 март кунлари яна иккита ўртоқлик учрашувида майдонга тушиши режалаштирилган.

25 март куни Дания (U-16) ўсмирлари ва 27 март куни Россиянинг “Чертаново” клубларига қарши ўртоқлик ўйинлари ўтказилади.

ЎФФ матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: