Осиё чемпионати (U-16). Мусобақани Непалга қарши ўйин билан бошлаймиз
06 apr 2014 14:34
News

Осиё чемпионати (U-16). Мусобақани Непалга қарши ўйин билан бошлаймиз

Бугун ўсмирлар ўртасидаги Осиё чемпионатига қуръа ташлаш маросими бўлиб ўтганидан хабарингиз бор.

Ўзбекистон ўсмирлари Қувайт, КХДР ва Непал билан бирга "C" гуруҳидан ўрин олишди.

Таъкидлаш жоиз, Олимхўжаев шогирдлари ўтган йили кузда Тошкентда бўлиб ўтган саралаш баҳсларида Фаластинни 9:0, Яманни эса 4:0 ҳисобида мағлуб этиб, финал йўлланмасига эга бўлишганди.

Терма жамоамиз Таиланд мезбонлик қиладиган Осиё чемпионатидаги иштирокини 7 сентябрь куни Непалга қарши учрашув билан бошлайди. 8 сентябрь куни КХДР, 10 сентябрда эса Қувайт терма жамоаси билан ҳисоб-китоб қилинади. Тез кунларда ОФК ўйинлар ўтказилувчи стадионларни тасдиқлайди.

6 сентябрь. ЎЗБЕКИСТОН – Непал

8 сентябрь. КХДР – ЎЗБЕКИСТОН

10 сентябрь. ЎЗБЕКИСТОН – Қувайт

14. сентябрь. Чорак финал босқичи

17 сентябрь Ярим финал

20 сентябрь. ФИНАЛ

Изоҳ: Бу ёш тоифасида 3-ўрин соҳибини аниқлаб берувчи учрашув ўтказилмайди

Эслатиб ўтамиз, Ўзбекистон ўсмирлар терма жамоаси шу ёш тоифасида амалдаги Осиё чемпиони ҳисобланади. 2012 йили Дилшод Нуралиев жамоаси Эронда ўтган қитъа биринчилигида Осиё чемпиони бўлганди.

Link :

Source : championat.asia

Receive latest football news directly on your phone. Subscribe for our Telegram channel!

Rating: