"Олимпик" иштирокидаги ўйин қолдирилди, "Пахтакор"нинг ўйини бошқа санага ўзгарди
02 may 2024 13:37
News
"Олимпик" иштирокидаги ўйин қолдирилди, "Пахтакор"нинг ўйини бошқа санага ўзгарди
Эртага — 3 май куни жамоа U-23 Осиё Кубогининг финал учрашувида Японияга қарши саф тортади.
Мазкур беллашув олдидан Тимур Кападзе Суперлига 6-туридан ўрин олган "Динамо"га қарши беллашувни қолдиришни сўради. Терма жамоа аъзолари 4 май куни тонгда Тошкентга етиб келади. Лига термамизнинг эҳтимолий финалда тўп тепишини инобатга олиб, "Олимпик" иштирокидаги беллашувни турнинг энг сўнгги куни — 7 майга белгилаган эди. Шундай бўлса-да, мавжуд ҳолат инобатга олиниб, Лига Кападзенинг таклифини бу сафар ҳам қаноатлантиришга қарор қилди.
Шунингдек, 7 май кунги 1 та ўйин қолдирилганидан келиб чиқиб, ўша учрашув учун режалаштирилган техника билан "Пахтакор" – "Металлург" учрашуви ўтказилиши юзасидан келишилди. Яъни, "Пахтакор" иштирокидаги ўйин 6 май санасидан 7 майга кўчирилди.
Маълумот учун, Ўзбекистон U-23 терма жамоасининг Осиё Кубогига жўнаб кетиши олдидан Суперлига 5-туридан ўрин олган уч учрашув: "Насаф" – "Навбаҳор", "Нефтчи" – "Пахтакор", "Металлург" – "Олимпик" беллашувлари ҳам қолдирилганди. Эндиликда қолдирилган беллашувлар сони 4 тани ташкил этмоқда. Уларнинг қачон ўтказилиши кейинроқ маълум қилинади.

Similar news
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
Cуперлига. "Нефтчи" Фарғонада "Сурхон"ни мағлуб этиб, чемпионлик учун курашни давом эттирадиган бўлди
Элит ОЧЛ. Рўзиқул Бердиев: "Кучимиз борича рақибга қаршилик кўрсатдик"
Суперлига. Шиддатли кечган Пойтахт дербисида "Пахтакор" "Бунёдкор"ни мағлуб этди
Comments