Нодир Камолов: "Қизилқум" бу йил кўп жамоаларга бош оғриқ бўлади"

Эндиликда Ҳамид Актамов шогирдлари янги мавсумга ҳозирликни ўз қароргоҳларида давом эттиришади. Биз эса йиғин таассуротлари ҳақида жамоа аъзоси Нодир Камоловга юзландик.

"Тайёргарлик аъло даражада кетмоқда. Туркиядаги йиғин давомида бир қатор ўртоқлик учрашувларида майдонга тушдик. Иккита ғалаба, иккита дуранг натижа қайд этдик. Ҳамма мавсум бошланишини сабрсизлик билан кутяпти. Мақсадимиз ҳар бир ўйинда ғалаба қозониб мухлисларни хурсанд қилиш. Чемпионатдаги барча жамоалар фақат ғалаба қозонишни истайди. Лекин, бу футбол. Унда ғалаба ва мағлубият доим бирга юради. Насиб қилса жорий йилда ҳар бир клубга бош оғриқ бўламиз”,- деди иқтидорли футболчи.

Абдулазиз Искандаров ёзиб олди