Нигора Абидова ОЧЛ-2021 баҳсида ишлайди
14 sep 2021 09:56
News

Нигора Абидова ОЧЛ-2021 баҳсида ишлайди

13—14 сентябрь кунлари қитъамизнинг клублар миқиёсидаги энг нуфузли мусобақаси — Осиё Чемпионлар лигасида 1/8 финал учрашувлари ўтказилади.

Мазкур босқичдан ўрин олган Тожикистоннинг "Истиқлол" ҳамда Эроннинг "Персеполис" жамоалари ўртасидаги ўйинда ЎзПФЛ Матбуот ва ижтимоий тармоқлар билан ишлаш бўлими бошлиғи Нигора Абидова ташкилий ва тижорий жиҳатларига масъул ОФК делегацияси таркибига киритилди.

Ҳамюртимиз мусобақа доирасидан ўрин олган учрашувлар ва бошқа масалаларнинг яхши савияда ташкил этилиши, хусусан, маркетинг, тижорий тадбирлар ОФК талабларига мувофиқ ўтиши бўйича иш олиб боради.

Таъкидлаб ўтамиз, ОЧЛ-2021 1/8 финалидан ўрин олган "Истиқлол" — "Персеполис" баҳси 14 сентябрь куни Душанбедаги "Республика Марказий стадиони"да бўлиб ўтади.