"Навбаҳор" "Ал Ҳилол"га қарши ўйинда оқ либосда ҳаракат қилади

Бугун "Ал Ҳилол" қароргоҳида икки жамоа иштирокида митинг бўлиб ўтди. Мазкур ўйинолди тадбири давомида эртанги ўйинга оид ташкилий масалалар, шунингдек, бўлажак баҳсда ҳар икки жамоа футболчиларининг қандай либосларда майдонга тушишларига ҳам ойдинлик киритилди. 

Унга кўра, эртанги учрашувда "Ал-Ҳилол" ўйинчилари кўк, "Навбаҳор" аъзолари эса оқ рангли футболкаларда майдонга тушадиган бўлишди. 

Эслатиб ўтамиз, “Ал-Ҳилол” – “Навбаҳор” ўйини эртага Тошкент вақти билан соат 23:00 да старт олади.