“Навбаҳор” 1996 йил чемпионликни қўлга киритганда таркибда кимлар бўлган?

Бугун ушбу жамоанинг жонкуяр мухлисларининг талабига бинонан чемпионликка эга чиққан таркибни ва мураббийларни ёдга оламиз.

“Лочинлар” учун ушбу йилда тарихдаги энг яхши мавсумларидан бирини ўтказганди. Жамоа Олий лигада иштирок этувчи барча 16 жамоани ортда қолдириб якунда олтин медалларга эга чиққанди. “Навбаҳор” 1996 йилги миллий чемпионатимизда 30та учрашувнинг 23тасида ғалаба қозонади, 5та учрашувда муроса кўчаси танланган бўлса, икки баҳсда мағлубият аламини тортишга мажбур бўлади. Тўплар нисбати 88-23ни, очколар эса 74тани ташкил этади. Шундан билса бўладики Виктор Жалилов шогирдлари мавсумни юқори даражада якунлашган.

Жамоа бошлиғи сифатида “Бунёдкор”даги фаолияти билан танилган Бахтиёр Бобоев ишлаган. Ҳозирги кунга келиб барча клубларнинг мураббийлар штабидантўрт, беш нафаргача мутахассислар жой олади. Ўша вақтларда наманганликларни ўйинларга иккита мураббий тайёрлаган. Булар Виктор Жалилов ва Владимир Ятченко. Демак, умумий таркиб қуйидаги кўринишда бўлган:

Дарвозабонлар: Дмитрий Башкевич, Олег Беляков
Ҳимоячилар: Бахтиёр Тоғаев, Марат Дилмуҳаммедов, Фарҳод Магометов, Сайдулло Турсунов, Мустафо Байрамов, Геннадий Денисов, Сергей Арслонов, Эдуард Мамотов.
Ярим ҳимоячилар: Илҳом Шарипов, Абдуқаҳҳор Маъруфалиев, Анвар Асадуллаев, Дмитрий Батинков, Алексей Винников, Тоҳир Мадраҳимов.
Ҳужумчилар: Олег Шацких, Ёрпўлат Ёралиев, Зафар Мусабоев, Дилшод Алиев, Анвар Солиев


2016 йилги мавсумда ушбу чемпионликка 20 йил тўлиши муносабати билан ўзига хос шоу тадбир уюштирилганди. Унда бир қанча собиқ футболчилар қатнашганди.

ОЛИЙ ЛИГА-2016 МУСОБАҚА ЖАДВАЛИ