"Mixed zone". Абдурауф Бўриев: "Ироқнинг провокациясига эътибор берилмаса, кубок Ўзбекистонда қолади"

Мазкур учрашувдан сўнг "Олимпик" ярим ҳимоячиси Абдурауф Бўриев фикрларини билдириб ўтди.

- "Олимпик" дастлабки икки турни юқори кайфиятда ўтказган эди. Лекин бугун кўп нарса ўхшагани йўқ...

- Омад етишмади, деб ўйлайман. Вазиятларни якунига етказишда хатоларимиз бўлди. Айрим паллаларда рақибдан устунлик қилган бўлсакда, гол ура олмадик. 

- Жамоадаги футболчиларда ҳали ҳам қиззиқонлик, шошқалоқлик бордек. Карточкалар кўп бўляпти. Бу омил салбий таъсир қилмайдими? Бугун ҳам йўқотишлар ўрни сезилди...

- Ўйин темпини ҳакамлар бошқаради. Агар ўйин темпини бир маромида олиб боришса, карточкалар бўлмайди. Ўтган ўйинда ҳам шундай ҳолат кузатилди. 

- U-20 терма жамоамиз финалда Ироқ билан ўйнайди. Финал ҳақида ҳам, Ироқ ҳақида ҳам тасаввурга эгасиз...

- Бир нарсани айтишим мумкинки, финал унгача босиб ўтилган йўлдан фарқ қилади. Алоҳида тайёргарлик талаб этилади. Укаларимга рақибни ҳурмат қилиб майдонга тушишларини, провакацияга учмасликларини маслаҳат берган бўлардим. Ироқ провакациясига эътибор берилмаса, кубок Ўзбекистонда қолади.