Latest news

01:30Уильямс "Атлетик" раҳбариятга "Барселона"га ўтмоқчи эканини айтди  0 01:15"Барселона" Фати билан шартномани узайтириб, уни ижарага беради  1 00:50"Арсенал", "Челси" ва "Бавария" Барколяни сотиб олиш учун кураш олиб бормоқда  0 00:30Григорий Колосовский: "Бугун "Арал"дан кўра иккита кўп хато қилдик"  1 00:17Неъматилло Қуттибоев: "Бугун ғалаба қозонмасак, "Локомотив" билан орадаги фарқ ортиб кетарди"  0 00:02Асрор Алиқулов: "Кубокка даъвогар жамоани мусобақадан чиқариб юбордик. "Нефтчи"нинг услубига тайёр эдик"  4 23:50Ўзбекистон аёллар терма жамоаси назорат ўйинида Фаластинни йирик ҳисобда мағлубиятга учратди  0 23:28Клублар ўртасидаги ЖЧ. "Бенфика" – "Бавария". Таркиблар аниқ!  1 23:11Зико: "Европа футболига ҳаддан ташқари юқори баҳо бериб юборилган"  10 23:10Виталий Левченко: "Битта учрашувга қараб фикр чиқариш нотўғри. Ҳеч нимани беркитмаяпмиз, исталган саволингизга жавоб бераман"  12 22:50Санчога Туркиядан харидор чиқди. Футболчига катта маош таклиф қилинмоқда  0 22:23Мбаппе касаллик туфайли 4-5 кг вазн йўқотди  2 21:50"Ньюкасл" Эланга учун 45 миллион фунт таклиф қилди, аммо  0 21:30Ўзбекистон Кубоги. "Нефтчи" ўз уйида "Машъал"га мағлуб бўлиб, мусобақа билан хайрлашди. "Сўғдиёна" "Қизилқум"ни қийинчиликсиз мағлубиятга учратди  77 21:05"Ал Қодисия" МЮ қизиқаётган ҳужумчига 15 млн евро таклиф қилди  0

Миржалол Қосимов: "Йўқотишлар баҳона эмас, бу мен учун синов" News

Миржалол Қосимов: "Йўқотишлар баҳона эмас, бу мен учун синов"

Суперлиганинг 2-туридан ўрин олган "Локомотив" – АГМК учрашувидан сўнг Миржалол Қосимов фикрларини билдирди.

Ўйин ҳақида

Мағлуб бўлишга ҳақли эмасдик, лекин бу футбол. Бугун стадионга ташриф буюрган ҳамда телевизор орқали учрашувни кузатган мухлисларга ўйин маъқул бўлди, сабаби чиройли футбол гувоҳи бўлдик. Жанговарлик, шиддатлилик ҳамда тезкорлик жиҳатдан икки жамоа ҳам кўнгилдагидек ўйин намойиш этди. "Локомотив" бу борада омадлироқ чиқди, уларни табриклайман. Машаққатлар билан гол уриб, тезкор гол ўтказиб юбордик. Футболда ўзига яраша қонун-қоидалар бор. Иккинчи бўлимда ҳам яхши имкониятларга эга бўлгандик, улардан унумли фойдаланишимиз лозим эди. Футболда "Сен урмасанг, сенга уришади" деган нақл бор. Хатолар устида кўпроқ ишлашимиз керак. Жароҳатланган ҳамда дискваливикацияга учраган футболчиларимиз бизга ёрдам бера олмаётгани сабабли учрашув сўнггида ўйинимизни кучайтира олмадик. Йигитларимизнинг ёғингарчилик бўлган ҳавода толиққани кўриниб қолди. Шу жиҳат орқали ҳам кўпгина ўйинларимиз тақдири ҳал бўлган. Йўқотишлар ҳам мен учун синов, бу ҳам ўз ўстимизда кўпроқ ишлашга туртки беради. 

— Бугун захирада ўйинчилар етишмаслиги туфайли 78-дақиқага борибгина ўзгариш қилдингиз. Унда ҳам ҳимоячи Аҳмадалиев ярим ҳимоячи позициясида ҳаракат қилди. 

— Шифокорларимиз жароҳатланган футболчиларни эртароқ тузатишга ҳаракат қилмоқда. Уларнинг тузалиши ўйинга тайёрлигини билдирмайди. Улар жисмоний жиҳатдан ҳам шай бўлиши лозим. Йўқотишлар ҳам бизга панд бериб қўйди. Бу баҳона эмас, балки тажриба орттириш учун синов. Бугун йигитлар чиройли, комбинацион ўйин кўрсатишди. 

— Ўйинда 20-25 дақиқа давомида шундай таассурот пайдо бўлдики, Алишер Жалилов тўпсиз жуда кўп югурди. У пас бериш бобида жуда маҳоратли саналади. Нима сабабдан Жалилов сингари узатмаларни қойилмақом ижро этадиган футболчилар тўп билан кўп муомала қилмаяпти? 

— Унинг жамоага мослашиши учун бироз вақт талаб этилади. Ҳозирги футболда кўп ҳаракат қилиш зарур. Aақатгина техникага асосланиб, ўйин тақдирини ҳал қиладиган замонлар ўтиб кетди. Алишерда яхши имкониятлар юзага келди, у яхши очилишлар қилди. Майдонга чиққан ҳар бир футболчи тўғри ҳаракат қилиши керак. 

— Зафар Полвонов ўйин охирларида майдонга тушди. Унинг устун жиҳати — бош билан яхши ўйнайди. Бироқ АГМК футболчилари қанотдан узатмалар амалга оширишда қийинчиликларга дуч келди. Бу футболчилардаги чарчоқ аломати билан боғлиқми?

— Бу саволга ўзингиз жавоб бериб қўйдингиз. Савол учун ҳам, жавоб учун ҳам раҳмат. 

— 22-дақиқада "Локомотив" ҳимоячиси пас беришда тўпни Алишер Жалиловга "совға қилди". Жалилов тўп билан 4 қадам юрди, аммо икки қанот ярим ҳимоячилари ва ҳужумчи унга пас ошириш учун вариант бермади. Тезкор қарши ҳужумга кетиш мумкин бўлган жойда Жалилов тўпни орқага қайтарди.

— Бу саволга жавобни ўйинни қайта кўргач, айта олишим мумкин. Бу вазиятда у тўпни қабул қилишидан аввал ўйлаш керак эди, бу ўйин шахмат эмас, ҳимоячилар тезда бўшлиқларни тўлдиришади. Қачон ғалаба қилинади? 11 га 11 ўйналганда, фикрлаш доираси, тезлик, тўпни назорат қилишда моҳирлик орқали. 




Rating: +3   

Comments

championat.asia
< show latest news
Яндекс.Метрика