Latest news

08:40Бухорога Суперлига ўйинларини қайтариш ҳаракати бошланди  1 08:17Sofascore. Захирадан майдонга тушган Ўрибоев энг катта баҳолардан бирини олди  2 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  18 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  49 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

Миржалол Қосимов: "Вазиятлар, шижоат ва ўйинимизда маъно бор. Дурангга мос ўйинда мағлуб бўлдик" News

Миржалол Қосимов: "Вазиятлар, шижоат ва ўйинимизда маъно бор. Дурангга мос ўйинда мағлуб бўлдик"

Ўзбекистон Кубоги 1-туридан ўрин олган "Пахтакор" - ОКМК (2:1) баҳсидан сўнг меҳмонлар бош мураббийи Миржалол Қосимов матбуот анжуманида иштирок этди.

"Кубок баҳслари ҳар доим ўзига хос. Бугун мағлубиятга лойиқ эмас эдик. Шогирдларим ёмон ўйнашмади. Ўйинни ўз қўлимизга олиб, дуранг қайд этишга ҳаракат қилдик. Иккинчи бўлимда голга бўлган вазиятларда "Пахтакор" устунлик қилди. Сергеев осонгина гол уриб кетди. Яратган вазиятларимиздан фойдалана олмадик. Дурангга мос ўйинда мағлуб бўлдик, футболда бундай вазиятлар бўлиб туради. Энди ўйинни таҳлил қилиб чиқишимиз керак. 13 апрель санасидаги учрашувга тайёргарлик кўришимиз керак" - деди Миржалол Қосимов баҳс якунлангач.

- Захирадан майдонга тушган футболчилар ўйинга қўшилиб кета олмагандек, айниқса япониялик Наоаки Сенага. Захиралар бугун қанчалик иш берди?

- Ҳа, у ўйинга киришиб кета олмади. Бугун жамоа ютқазди, мен кийиниш хонасида ҳам шуни таъкидладим. Ҳозир кимнидир айбдор қилиши бефойда. Биз яхши вазиятлар яратдик, аммо улардан яхшироқ фойдаланишимиз керак эди. Масалан, Абдураззоқовнинг вазияти, дарвозага икки метрда тўғри зарба берса бўлди эди ёки Абдураҳмоновнинг вазияти. Муҳими, вазиятлар, шижоат ва ўйинимизда маъно бор. Энди ўйинни такроран кўриб чиқишимиз керак. Кейин эса бир хулосага келамиз. Масалан, рақиб футболчиси Жонатан Лукка осонгина майдон марказидан ўтиб кетди. Ўйинга тайёргарлик жараёнида "Пахтакор" қанотлардан кўп ҳужум қилишга тайёргарлик кўрган эдик. Бугунги ўйин тарихга айланди, энди кейинги баҳсга эътибор қаратишимиз керак. Жароҳатланган футболчилар имкон қадар тезроқ сафга қайтади деган умиддаман.

- Азиз Ҳолмуродовни эртароқ майдонга тушириш варианти ҳақида ўйлаб кўрмадингизми? Ҳолмуродов жамоа ўйинини кучайтира олди...

- Футболчининг жисмоний тайёргарлиги ва жароҳатдан сўнг қанчалик тикланиб олганини инобатга олган ҳолда уни майдонга туширамиз.

- ОКМК бугунги мағлубияти билан гуруҳдан чиқиш вазифасини қийинлаштириб юборди. Кейинги учрашув эса "Насаф"га қарши. "Насаф"га қарши ўйинда босим кўпайиб кетмаяптими? Ушбу босимдан қандай чиқиб кетмоқчисизлар?

- Биз 13 апрелдаги ўйинга тайёргарлик кўришимиз керак. "Насаф"га қарши кечадиган ўйингача кўп нарса ўзгариб кетиши мумкин. Мен босимни ҳис қилмаяпман, сабаби бу футбол ва ҳар хил сценарий рўй бериши мумкин. Олдимизда яна иккита ўйин бор. Босим эса ёш футболчиларда бўлиши мумкин, улар шундай ўйинлар орқали ўсишга эришади. Бугунги баҳс тарихга айланди, энди кейинги ўйин ҳақида ўйлашимиз керак. "Насаф"га қарши кечадиган баҳсга қадар ҳам ўйинларимиз бор. Мен ўйиндан ўйинга сакрамайман.



Rating: +4   

Comments

championat.asia
< show latest news
Яндекс.Метрика