Latest news

04:11Улар бу кубокка иккинчи бор жуда яқин келишганди...  0 02:03Лига 1. "Ланс" Абдуқодир Ҳусановсиз ҳам ғалаба қозонди  4 01:51УЕФА Евро-2024 қайдномасини 26 нафар ўйинчигача оширди  0 01:40Жасур Жалолиддинов: "Рақибдан кучлироқ эдик"  5 01:26Умарали Раҳмоналиев: "Бутун Ўзбекистон халқидан минг бор узр сўрайман"  19 01:13БАА. Ҳожимат Эркинов "Ал Ваҳда" сафида ОЧЛ финалчисини мағлуб қилиб, Лига кубогини қўлга киритди!  5 00:35Фоден журналистлар талқинига кўра АПЛнинг ушбу мавсумдаги энг яхши ўйинчиси деб топилди  0 00:08Тимур Кападзе Японияга қарши кечган финалдан сўнг нималар деди? (тўлиқ матбуот анжумани)  60 23:49Ўзбекистон ОТЖ U-23 Осиё кубоги "Fair Play" соврини билан тақдирланди  61 23:31"Ланс" Абдуқодир Ҳусановни тез орада бошланадиган "Лорьян"га қарши ўйин қайдномасига киритмади  18 23:19Япония – Ўзбекистон ўйинида қандай статистика қайд этилди?  27 23:01U-23 Осиё кубоги. Абдувоҳид Неъматов турнирнинг энг яхши дарвозабони деб топилди!  27 22:51Ўзбекистон Олимпия ўйинларининг "С" гуруҳидан жой олди. Испанияга қарши ўйнаймиз  58 22:40Винисиус ЕЧЛда ҳафта ўйинчиси деб топилди  7 22:38U-23 Осиё кубоги. Япония чемпион! Олимпиадага чиқиб бўлган Ўзбекистон пенальтидан гол ура олмади  533

Микаэль Секейра: "Барданка ҳақидаги саволни ёпмоқчиман. "Локомотив"да ҳалол одамлар ишлайди" News

Микаэль Секейра: "Барданка ҳақидаги саволни ёпмоқчиман. "Локомотив"да ҳалол одамлар ишлайди"

Coca-Cola Суперлиганинг 13-туридан ўрин олган "Локомотив" - "Насаф" (2:0) учрашувидан сўнг мезбонлар бош мураббийи Микаэль Секейра матбуот анжуманида иштирок этди.

Ўйин ҳақида

- Бугун ҳақли ғалабага эришдик деб ўйлайман. Биринчи бўлимнинг ўзидаёқ йигитлар сифатли футбол намойиш этишди. Ўйин услубимизга танланган режани тўғри бажариб беришди. "Локомотив"нинг мавсумдаги энг чиройли ўйинларидан бири бўлди деб ҳисоблайман. Чунки "Насаф" жуда кучли жамоа ҳисобланади. Ўзимнинг фикримча, бугун идеал ўйин кўрсата олдик.

- "Истиқлол" жамоаси билан ўйинда ҳам Темурхўжа Абдухолиқов ўйнамаганди, жароҳати бор экан. Азизбек Амонов ўша ўйиндаям захирадан қўшилиб гол урганди. Бугун асосий таркибда тушиб 2 та гол урди. Бу футболчи ҳақида фикрингиз қандай?

- Тўғрисини айтсам, индивудиал гапиришни ёқтирмайман. Умумий жамоа ҳақида айтишим мумкин. Бугунги ўйинда алоҳида гапиришга ўрин йўқ, бугун жамоавий чиройли ўйин кўрсатиб натижага эришдик. Клубимизнинг барча аъзоларини табриклайман. Ёрдамчи мураббийларим ўйинга тайёргарлик борасида жуда яхши ишлашди. Португалияда бўлган вақтимда ёрдамчи мураббийларим ўз вазифаларини аъло даражада бажаришгани бугунги ўйинда кўринди. Ўзбекистонга яна қайтганимдан хурсандман. Аввалги ўйинларимизда жамоага нимадир етишмаётган эди. "Локомотив" ҳар доим яхши ўйнаётганди, лекин омад келмаётганди. Португалиядан ўша етишмаётган жиҳатни олиб келдим шекилли (кулади). Яна бир барчани табриклайман ва раҳмат айтаман.

- Жамоани кучайтириш учун туширилган футболчилар ҳимояга асосланганини кўришимиз мумкин. Бу ўйиннинг боришидан келиб чиқиб амалга оширилдими ёки захирада ҳужумкор футболчилар йўқлиги учунми?


- Биз шу пайтгача ҳар-хил услубда ўйнаб кўрдик. Олдин амалга оширилган услублардан озроқ олиб шу услубга ўтдик. Яхши савол бердингиз, Ўзбекистонда бу услуб жуда қўрқинчли эмас. Кенгроқ очилиб бўш жойлардан фойдаланишни билиш керак. "Локомотив" мавсум бошидан шунақа услубда ўйнаётганди. "Насаф"га қарши танлаган услубимиз иш берди деб ўйлайман.

- Жамоа ёзги трансфер ойнаси вақтида бир қатор харидларни амалга оширди. Таркибга жалб этилган футболчилар бош мураббий томонидан танландими? Диего Барданка иқтисодий қийинчилик туфайли жамоани тарк этганини айтди, бу тўғрими?


- Биринчи навбатда Барданка ҳақидаги саволни ёпмоқчиман. У оилавий шароити туфайли кетган. "Локомотив" катта клуб ва молиявий муаммолари йўқ. Клубда ҳалол одамлар ишлайди, ойлик маошлар вақтида бериб келинмоқда.

Таркибга жалб этилган футболчилар ўзимнинг қароримга кўра танланди. Худди бугунги каби иштиёқли ўйинни кутгандим. "Насаф" жуда яхши шаклланган жамоа. "Локомотив" яна ўзига ўхшаб ўйин намойиш этаётганидан хурсандман.


Rating: +16   

Comments

championat.asia
< show latest news
Яндекс.Метрика