"Машъал": Олдимизда "Сўғдиёна"га қарши кубок баҳси
17 may 2016 14:09
News

"Машъал": Олдимизда "Сўғдиёна"га қарши кубок баҳси

"Машъал" навбатдаги учрашувини Ўзбекистон кубоги 1/8 финал жавоб ўйинида ўтказади.

Бу ўйин Жиззахда маҳаллий "Соғдиёна" клубига қарши бўлиб ўтади. Даврон Файзиев жамоаси билан бўладиган учрашув 21 май кунига белгиланган. Бу ўйинга Александр Хомяков шогирдларини жиддий тайёрламоқда. Бугундан жамоа машғулотларга киришди. Ҳозирда жароҳатдан сўнг сафга қайтган ҳимоячимиз Ғиёсжон Комилов ҳам умумий гуруҳга қайтди. Комилов "Сўғдиёна" билан чемпионат учрашувидан жароҳат олиб сафдан чиққан эди ва айнан шу жамоага қарши кубок баҳсида энди майдонга тушиши мумкин.

Эслатиб ўтамиз, Ўзбекистон кубогининг Муборакдаги 1/8 финал биринчи учрашувида 1:1 ҳисобида дуранг қайд этилган эди. Жавоб ўйини энди 21 май куни Жиззахдаги "Сўғдиёна" ўйингоҳида 18:00 да старт олади.

Link :

Source : fcmashal.uz

Receive latest football news directly on your phone. Subscribe for our Telegram channel!

Rating: