Марат Бикмаев: “Ватанни, футболни соғиндим”

Маратга тизза бўғимига шикаст етиш диагнози қўйилган ва Тошкентда давом этган муолажалардан сўнг футболчи Германиянинг Мюнхен шахрига, Medical Connections клиникасида жарроҳлик жараёнини ўтказиш учун учиб кетган эди. Ҳужумчининг қандай ҳолатда эканини билиш учун у билан боғландик ва у сайтимизга кичик интервью берди.

Жарроҳлик операцияси яхши ўтди. Тиззамдан олган жароҳат оғир эди. Айни дамда ўзимни яхши ҳис қиляпман. Ўзбекистонни, футболни жудаям соғиндим. Майдонга қайтиш муддати аниқ аниқ эмас. Яна иккита тикланиш жараёнини ўтказиш учун яна Германияга келишим керак. Тошкентга 10 апрель куни қайтаман. Кечаги жамоамизнинг ғалабасидан хурсанд бўлдим. Йигитларга дерби учрашувида омад тилайман", - дейди Бикмаев.

Марат Бикмаевга тезроқ ўз жароҳатини тиклаб, майдонга қайтишига умид қилиб қоламиз.