"Локомотив" ўйин бўладиган стадионда машғулот ўтказди

Кеча "темирйўлчилар" ўйинолди расмий машғулотни ўтказишди. 

"Қирол Абдуллоҳ" стадионида маҳаллий вақт билан 19:00да бошланган машғулот бир соат давом этди. Стадион биз турган меҳмонхонадан ярим соатлик йўл. Аммо кундуз кунлари шаҳарда машиналар ниҳоятда серқатнов бўлишини ҳисобга олсак, баъзан бориш 40-45 дақиқага чўзилиши ҳам мумкин. 

Стадион ниҳоятда ҳашаматли, ўз бағрига 50 мингдан зиёд мухлисни сиғдира олади. Ўйин Тошкент вақти билан 22:30да бошланишини ҳисобга олсак, ёритиш мосламалари жуда кучли. Ёруғлик майдоннинг ҳар бир қисмига бир хил тушади. Жамоамизнинг кечаги машғулоти ҳам кўтаринки руҳда кечди. Футболчиларимиз ўйинга тайёр, насиб қилса ижобий натижа билан ортга қайтамиз.