Контенинг "Реал Мадрид"га келишига Рамос тўсқинлик қилган?!

"Камп Ноу"да ўтган "Класико"дан кейин, ўша куни "Реал" ўз дарвозасидан 5 та гол ўтказиб юборганди, Серхио Рамос бош мураббий Хулен Лопетегининг ўрнига ким бўлишини танлаётганди. 

Қандай қилиб Рамос танлайди, дейсизми? Мадридликлар сардори "қироллик клуби"га "Челси"дан бўшагач, иш излаш билан оввора Антонио Контенинг эҳтимолий келиши борасидаги саволга жавоб берди. 

Рамоснинг нутқи қуйидагича бўлди: "Конте? Биласизми, ҳурматга меҳнат билан эришилади, уни талаб қилиб олиб бўлмайди. Кийиниш хонасида мураббий гапи ўтиши, уни бошқариши баъзан мутахассиснинг тактик билимлариданда муҳимроқ аҳамият касб этади".

Рамос бу билан Флорентино Пересга тўғридан-тўғри сигнал йўллаганди десак бўлади. Конте ва унинг вакиллари билан музокараларни чўзиб ўтирмай, бошқа вариант излаш кераклигига шаъма эди бу. 

Рамоснинг "Реал"даги таъсири – улкан, Пересни бундай ҳол доим ҳам қониқтирмайди. Бошқа вазият бўлганда президент атайин ҳам Контени олиб келган бўларди. 

Аммо бундай негатив ҳолатда Мадридга кўчиб ўтиш – катта таваккал, шунинг учун Конте маълум вақт ўтгач: "Жамоани мавсум ўртасида қабул қилиш менга тўғри келмайди". - деди мураббий. 

Ундан кейин "Реал" Конте билан боғланишга қайтиб уринмади. Конте ёки у каби бирор мураббийни жамоага олиб келиш, Серхио Рамос билан муносабатлар ҳали бошланмасидан бузилган бир вазиятда катта хато бўларди. 

Худди шу сабаб билан Перес Жозе Моуриньони қайтариш орзусини амалга ошира олмайди. Зинедин Зидан мабодо кетадиган бўлса ҳам, унинг ўрнига фақат икки номзод қолаётгандек – Рауль ва Почеттино. 

Улар ҳурматни талаб қилиб олишмайди, меҳнатлари билан эришганлар, эришадилар. 

Бугунги тўқнашув зерикарли бўлмаслиги аниқ. Рамос ва Контенинг ўзига хос тўқнашуви эса интригани янада ошишига сабаб бўлади. 

Real Madrid Karim Benzema - 25', Sergio Ramos - 33', Rodrygo - 80'

Champions League Grp. B . Round 3 04/11/2020, 00:00 2 : 3 Finished

Inter Lautaro Martinez - 35', Ivan Perisic - 68'

Stadium: Alfredo Di Stefano, 0 spectators

Referee: Clement Turpin

45'

90'

25'  Karim Benzema

33'  Sergio Ramos

33'  Toni Kroos

48'  Ferland Mendy

62'  Federico Valverde

64'  Eden Hazard (Vinicius Junior)

64'  Marco Asensio (Rodrygo)

78'  Toni Kroos (Luka Modric)

80'  Rodrygo

80'  Vinicius Junior

85'  Casemiro

90'  Thibaut Courtois

35'  Lautaro Martinez

35'  Nicolo Barella

44'  Arturo Vidal

51'  Marcelo Brozovic

68'  Ivan Perisic

68'  Lautaro Martinez

72'  Nicolo Barella

78'  Nicolo Barella (Roberto Gagliardini)

78'  Ivan Perisic (Alexis Sanchez)

87'  Arturo Vidal (Radja Nainggolan)

Open in Match Center