Кике Сетьен: "Чорак финалда “Бавария”га осон бўлмайди, "Барселона"га ҳам..."

“Биз айнан ушбу босқичда биринчи муҳим қадамни ташлаб, кейинги беллашувларни ҳам худди бугунгиси сингари  энтузизам билан кутишни истагандик. Жамоа яхши ўйин кўрсатди ва ғалабага ҳақли эди.

Чорак финалга йўл олиш осон кечмади. Ақл билан ҳимояланишга тўғри келди. Биз Италиянинг айни пайтдаги энг яхши жамоаларидан бири билан куч синашдик.

Менимча, Месси билан ҳаммаси жойида. У рақиб ҳимоячисидан яхшигина зарба қабул қилиб олди, аммо  бу унга қандайдир муаммолар туғдиради, деб ўйламайман.

Кейинги босқичда барча рақиблар кучли, ўйинлар қийин кечади. Чорак финалда “Бавария”га осон бўлмайди, бизга ҳам. Бу ажойиб кучга эга жамоа, биз ҳам.

Мен Гаттузони жамоасида қисқа вақт ичида амалга ошира олган ишлари билан табрикладим. У неаполликлар билан ажойиб натижага эришмоқда. Кундан кунга улар кучайиб боришмоқда. Бу Женнаронинг хизматидир. Мен унинг мухлисиман”, деди Сетьен.