Карпин: "Шомуродов ва Байрамян ўйинга қўшилди ва биз майдонни қўлга олдик"
01 nov 2019 11:33
News

Карпин: "Шомуродов ва Байрамян ўйинга қўшилди ва биз майдонни қўлга олдик"

"Ростов" бош мураббийи Валерий Карпин Россия Кубоги 1/8 финал доирасидаги "Спартак" (Москва)га қарши ўйиндан сўнг ўз жамоасини мақтади.

- "Ростов"да асосий таркиб деярли ўйнамади. Бу нима билан боғлиқ?

- Қисқа вақтдан кейин "Краснодар" билан ўйин ўтказамиз, шунинг учун шу таркиб бугун ҳаракат қилди. Кўплар эса ўйин амалиётига эга бўлди.

- Мағлубият нима билан боғлиқ эди?

- Чунки рақиб 2та, биз эса 1та гол урдик (залда кулгу)

- Иккинчи бўлим ўрталаридан сизнинг жамоангиз ўйинни бошқаргани ажабланарли эмасми?

- Майдонга Шомуродов ва Байрамян тушди, биз ўйинни ўзгартирдик ва майдонда битта жамоа устунлик қилдик. Нега бундай? Шунчаки бизнинг ўйинчилар ажойиб (кулади).

Эслатиб ўтамиз, "Спартак" ва "Ростов" жамоалари ўртасидаги ўйин 2:1 ҳисобида москваликларнинг ғалабаси билан якунланди.