Карлос Тевесдан инсонийлик намунаси (ФОТО+ВИДЕО)
24 nov 2018 17:01
News

Карлос Тевесдан инсонийлик намунаси (ФОТО+ВИДЕО)

Бугун, 24 ноябрь куни "Бока Хуниорс" ҳамда "Ривер Плейт" ўртасида Либертадорес Кубогининг иккинчи финал ўйини бўлиб ўтади.

Ушбу финалдан икки кун олдин "Бока Хуниорс" ўз стадиони - "Бомбанеро"да мухлислар учун очиқ машғулот ўтказди. 54 минг сиғадиган аренага 49 минг ишқибоз ташриф буюрди.

Машғулот пайтида мухлислардан бири панжара ошиб, футболчилар томон югурди, бироқ уни хавфсизлик хизмати ходимлари ушлаб олишди.

Кутилмаганда вазиятга "Бока Хуниорс" ҳужумчиси Карлос Тевес аралашди ва ходимлардан ишқибозни қўйиб юборишни сўради ва айнан шу мухлисни футболчилар билан саломлашишига имконият яратди.