ЖЧ-2018 финалига ХОҚ президенти Томас Бах ташриф буюради
12 jul 2018 14:29
News

ЖЧ-2018 финалига ХОҚ президенти Томас Бах ташриф буюради

Халқаро Олимпия қўмитаси (ХОҚ) президенти Томас Бах Россияда ўтаётган ЖЧ-2018нинг финал учрашувига ташриф буюради.

Бу ҳақда "Inside the Games" хабар берди.

64 ёшли Бах ФИФА президенти Жанни Инфантинонинг таклифини қабул қилди. Бах 4 йил олдин Бразилияда ўтказилган мундиал финалига ҳам келган эди. Ўшанда унинг ватандошлари Аргентинани 1:0 ҳисобида мағлуб этиб Жаҳон чемпионати кубогини бошлари узра баланд кўтаришган эди.

ЖЧ-2018нинг финали 15 июль куни Москвадаги "Лужники" стадионида бўлиб ўтади. Унда Франция президенти Эммануэль Макрон ва Хорватия президенти Колинда Грабар-Китарович ҳам иштирок этишади.