Жамшид Саидов: "Азиз Ибрагимовни нега майдондан четлатишди? Очиғи умуман тушунмадим..."

"Аввало футболчиларга ўз миннатдорчилигимни билдираман. Ҳозир бизга ҳар бир очко сув ва ҳаводек зарур. Жамоамиз яхши ўйнади. Болалар охиригача кураш олиб боришди ва бир очкони қўлга киритдик. Ҳар иккала жамоа ҳам яхши ўйнади дея оламан. Биз "Насаф"ни қандай ўйнашини билардик. Мамлакатнинг энг кучли жамоаларидан бири бўлган "Насаф"га қарши ўйинда албатта ҳимоядан ўйнайди кўплаб жамоалар. Мен бугун нега Азиз Ибрагимовга иккинчи сариқ карточкани кўрсатиб майдондан четлатишганини умуман тушунмадим. Ўйлайманки, учрашув назоратчилари бу вазиятни тўғри баҳолай олишади. Бу уларнинг иши. Мен бу борада бирор нарса дея олмайман. Ўйин асабий кечди. "Насаф"да ҳам, бизда ҳам гол уриш учун имкониятлар бўлганди. Бироқ ҳар иккала жамоалар ўз имкониятларидан унумли фойдалана олмади. "Насаф" жуда кучли жамоа. Шу боис бугун қарши ҳужум тактикасида ўйнадик", - дейди Жамшид Саидов.