Испания чемпионати 28 октябрдан тўхтатиладими?
20 oct 2022 18:19
News

Испания чемпионати 28 октябрдан тўхтатиладими?

Ла Лига раҳбарияти Испания ҳукуматининг клубларнинг Суперлигада иштирок этишини таъминловчи спорт тўғрисидаги қонунни қабул қилиш ҳақидаги қарорига норозилик сифатида Испания чемпионатини тўхтатиб қўйиши мумкин.

Бу ҳақда Испаниянинг Cope радиостанцияси хабар берди.

Радиостанция хабарига кўра, Ла Лига президенти Хавьер Тебас миллий чемпионатнинг биринчи ва иккинчи дивизион клублари билан йиғилиш ўтказган ва уларни 27 октябрь куни бўлиб ўтадиган навбатдан ташқари йиғилишга чақирган. Унинг натижаларига кўра, норозилик сифатида Испания чемпионатини тўхтатиш тўғрисида қарор қабул қилиниши мумкин.

17 октябрь куни Ла Лига клублари вакиллари Маданият ва спорт вазири Микель Исета билан учрашув ўтказиб, унда Испания клубларининг Суперлигада иштирок этишига рухсат берувчи янги қонундан хавотир билдиришди. Ла Лига вакилларининг билдиришича, қонуннинг қабул қилиниши ташкилотларга 2 миллиард еврога яқин даромад келтирадиган CVC Capital Partners инвестиция фонди билан келишувга путур етказади.

Link :

Source : Cope

Receive latest football news directly on your phone. Subscribe for our Telegram channel!

Rating: -2