Дэвид Симэн: "Артетанинг тўртта алмаштиришидан шокка тушдим"
27 jan 00:09
News

Дэвид Симэн: "Артетанинг тўртта алмаштиришидан шокка тушдим"

"Арсенал" собиқ дарвозабони Дэвид Симэн АПЛ 23-тури доирасидаги "Манчестер Юнайтед"га қарши ўйинда (2:3) Микель Артета томонидан амалга оширилган ўзгаришларни кескин танқид қилди.

Эслатиб ўтамиз, ўйиннинг 58-дақиқасида Артета бир йўла тўртта янги футболчини майдонга туширган, хусусан, жамоа сардори Мартин Эдегорни Микель Меринога алмаштирган эди.

"Тўғрисини айтсам, мен шокка тушдим. Ўша пайтда ҳисоб 1:2 эди ва бу МЮнинг иккинчи голига нисбатан бетартиб реакциядек туюлди. Бу стадиондаги мухлисларни ҳам ҳаяжонга солиб қўйди.

Мураббий сардорни захирага олди ва Мартин бундан унчалик мамнун эмасдек кўринди. Бу мен учун ҳақиқий кутилмаган ҳолат бўлди, чунки Эдегор — бизнинг плеймейкеримиз ва унинг кетиши ҳамма нарсани ўзгартириб юборди. Деклан Райс ортга қайтишга мажбур бўлди, майдонга тушган Эзе эса ҳозирча "Арсенал"да ҳеч нарса кўрсата олмаяпти.

Бу ғалати қарор эди. Бир вақтнинг ўзида тўртта янги ўйинчининг тушиши жамоа ритмини бузиб юборади", — деди Симэн "Premier League Productions" эфирида.

Link :

Source : Premier League Productions

Receive latest football news directly on your phone. Subscribe for our Telegram channel!

Rating: +3