Индонезия Кубоги. Абдумўминов жамоаси кейинги босқичда, навбат ОЧЛ саралашига
01 feb 2019 13:35
News

Индонезия Кубоги. Абдумўминов жамоаси кейинги босқичда, навбат ОЧЛ саралашига

Кеча Индонезия Кубоги 3-босқичи жавоб учрашуви доирасидаги "Керпи Жая" - "Персижа" учрашуви бўлиб ўтди.

Мазкур баҳсда 1:1 ҳисоби қайд этилди. Шу тариқа илк учрашувда 8:2 ҳисобида ғалаба қозонган "Персижа" кейинги босқичга йўл олди. Бу клуб сафида ҳамюртимиз Жаҳонгир Абдумўминов тўп тепмоқда.

Энди "Персижа" 5 февраль куни ОЧЛ-2019 саралаш учрашувини ўтказади. Болгариялик Иван Колев бошчилигидаги клуб Сингапурда "Хоум Юнайтед" меҳмони бўлади. Ушбу баҳс ғолиби 12 февраль куни Австралияда "Ньюкасл Жетс" билан ўйнайди. Бу учрашувда зафар қучган жамоа эса 19 февралда Япониянинг "Кашима Антлерс" клуби билан гуруҳ босқичига чиқиш учун ўйин ўтказади.

Индонезия Кубоги
"Керпи Жая" - "Персижа" 1:1
Биринчи ўйин: 2:8