Игорь Литовка: "Бу мағлубият бизни янада кучлироқ бўлишимизга ёрдам беради"

- "Андижон" сафида дебют қилдингиз. Дастлабки таассуротлар қандай? 

- Дебют учрашувимни ўтказдим. Стадионга келган мухлисларга раҳмат. Афсуски, ғалаба қозона олмадик. Тўғрисини айтсам, футболчилик фаолиятимдаги энг даҳшатли учрашув бўлди. Мен ҳали ҳакам бундай очиқ тарзда ўйинни "ўлдирганини" кўрмаганман. 10 киши бўлиб қолган жамоа, гол урса, ҳакам эса VAR орқали голни 10 дақиқа кўриб ва голни бекор қилса, тўғриси сўз билан таърифлаб бера олмайман. Ўйин сўнгида футболчи майдондан четлатилди. У ҳакамни рус тилида сўккан эмиш.  Футболчи эса рус тилини умуман билмайди ва тушунмайди. Жуда аламли ўйин бўлди, Ўйлайманки, ушбу мағлубият бизни янада кучлироқ  бўлишимизга ёрдам беради.

- "Насаф" билан ўйиндан сўнг, жамоа хотиржамликка берилиб колмадими? 

- Йўқ, "Насаф" билан бўлган учрашув ва бу баҳс,  бир-биридан катта фарқ қилади.  Мазкур учрашувда сариқ футболкадаги инсонлар ўйинда изларини қолдиришди.